Bedoña

Bedoña Arrasateko (Gipuzkoa) hegoaldean dagoen auzoa da, baserri girokoa, 1966. urtera arte Aretxabaletako udalerrian barne zegoena. Izan ere, herri horren muga kokatuta dago Urkuluko uharkatik gertu alde batetik, eta bestetik, San Andres (Arrasate) eta Zubillaga (Oñati) auzoen ingurunean. Auzoa, halaber, Arantzazurako bide zaharrean dago, artzainek eta erromesek antzinatik ibilia.

Bedoña
Euskal Herria
Bedoña auzoa
Kokapena
Herrialdea	Gipuzkoa
Udalerria	Arrasate
Administrazioa
Geografia
Koordenatuak	43°02′45″N 2°28′54″W

Bedoña auzoko Uribarri baserriaren sarrera 1955. urtean.

Santa Eulalia eliza dago bertan, antzinako gaztelu edo dorretxe baten gainean eraikia eta osagai erromanikoak dituena. Horrez gain, Andra Maria Zuriaren baseliza ere daukagu Bedoña auzoan.

2007ko urtarrilaren 1eko erroldaren arabera, auzoak 102 biztanle zituen.

Bedoñako jaiak abenduaren 10ean ospatzen dira, Santa Eulalia egunean, hain zuzen ere.

Demografia eta biztanleria

Bedoñako biztanleria

2000	2001	2002	2003	2004	2005	2006	2007
109	106	104	109	106	103	102	102

Baserriak

Aranalde, Artazubiaga, Arteaga, Arteritxo, Bidasoro, Elexabe, Elorriaga, Erlamendi, Errastikoa, Etxabarri, Etxegarai, Garaikoa, Goikosolo, Iturralde, Iturriaga, Mendibitzu, Otamendi, Sakristaukoa, Sologaizto, Urialde, Uribarren, Urigoien, Urkamendi eta Zabale ditugu auzoko baserrien artean.

Loramendi

Juan Arana "Loramendi" (1907-1933) fraide eta olerkaria auzo honetan jaio zen, lehen aipatutako Mendibitzu baserrian, hain zuzen ere.

Ikus, gainera

• Debagoiena

Kanpo estekak

• (Gaztelaniaz) Informazioa udal webgunean
• (Gaztelaniaz) Santa Eulalia elizari buruzko artikuloa

• Datuak: Q11680183
• Multimedia: Bedoña / Q11680183

Bedoñan egindako karapaixoa.

Euskarazko Wikipedian bada atari bat, gai hau duena: Euskal Wikiatlasa