Beñat Sarasola

Beñat Sarasola (Donostia, Gipuzkoa, 1984ko maiatzaren 14a) olerkaria eta literaturako kritikaria da. Filosofian, eta Literatur Teoria eta Literatura Konparatuan (Universitat de Barcelonan) lizentziatua. Euskaraz bi poema-liburu argitaratu ditu eta Philip Rothen Nemesis liburua euskaratu du (Meettokek argitaratua).

Beñat Sarasola
Bizitza
Jaiotza	Donostia, 1984ko maiatzaren 14a (36 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	idazlea, poeta, telebista aurkezlea, itzultzailea eta literatura-kritikaria
Literaturaren Zubitegiko fitxa	766

Eremulauak web gunean hasi zen lehen literatur testuak argitaratzen eta 2007ko apirilean publikatu zuen Susarekin bere estreinako lana, Kaxa huts bat poesia liburua.

Berria egunkarirako literatur kritikak egiten dihardu gaur egun. 2008ko otsailaren 4tik 2009ko apirilaren 6ra Hitz egiteko modu bat bloga idatzi zuen.

Beñat Sarasolak zuzendu eta aurkeztu zuen ETB 1 kanaleko Sautrela literaturari buruzko telebista-saioa. Urtebetez eutsi zion ardura horri, 2016ko irailetik Sautrelako azken emankizunera arte, 2017ko urrira arte.

2019an Deklaratzekorik ez bere lehen eleberria kaleratu du Susa argitaletxearen eskutik.

Idazlanak

Poesia

• Kaxa huts bat (2007, Susa)
• Alea (2009, Susa)

Eleberria

• Deklaratzekorik ez (2019, Susa)

Itzulpena

• Philip Rothen Nemesis (2011, Meettok)

Kanpo loturak

• Beñat Sarasola, Literaturaren Zubitegian.
• Kaxa huts bat liburua osorik, Susa argitaletxearen webgunean.
• Hitz egiteko modu bat Beñat Sarasolaren bloga.
• Nemesis itzulpenaren aurkezpen bideoa.
• Deklaratzekorik ez liburua osorik, Susa argitaletxearen webgunean.
• Deklaratzekorik ez eleberriaren aurkezpen bideoa.

Erreferentziak

Artikulu hau euskal idazle bati buruzko zirriborroa da. Wikipedia lagun dezakezu edukia osatuz.

• Datuak: Q11680211