Bastidako judu hilerria

Bastidako judu hilerria Bastidako (Nafarroa Beherea) hilerri bat da, elizaren hego-ekialdean, hilerri kristauaren ondoan dagoena. Monumentu Historiko gisa sailkatuta dago.

Bastidako judu hilerria
Monumentu historikoa
Irudi gehiago
Kokapena
Herrialdea	Euskal Herria
Lurraldea	Nafarroa Beherea
Udalerria	Bastida
Koordenatuak	43°25′42″N 1°15′15″W
Historia eta erabilera
Irekiera	1620
Ondarea
Mérimée ID	PA00084415
Kontaktua
Helbidea	L'Hospice

Historia

Herrian egon ziren Espainia eta batez ere, Portugalgo judu sefardien hilerria izan zen, inguruko lurraldeetan eta agian, Frantzia osoan, jarritako lehena. Bertako hilobirik zaharrena 1620koa da, eta berriena, 1785ekoa. Bidaxunekoaren antzera, Agramont jaunak emandako baimenarekin eraiki zen.

Hasieran, itxuraz konbertitu ziren baina euren erlijioan ezkutuan aritzen zuten juduen hilerria izan zen, eta 1659an bihurtu zen juduen hilerri (orduan hasi ziren izen juduak agertzen hilobietan). XVIII. mendetik aurrera, judu komunitatearen garrantzia gainbehera hasi zen, herriaren gainbeherarekin batera. Frantziar Iraultzaren garaian 6 judu besterik ez zen geratzen hirian. Utzita egon zen denbora askoan eta naziek 1941ean hilerria profanatu egin zuten. 1962 eta 1964. urteen artean Gerard Nahon-ek hilerrian zeuden 62 hilobiak ikertu zituen. Horietatik hamazortzitan data egutegi hebraikoan dago idatzita.

1988ko otsailaren 1ean monumentu historiko izendatu zuten eta gaur egun, edonork bisita dezake eta Baionako judu kontsistorioak kudeatzen du.

Iruditegia

• 
  Hilerriaren sarrera.
• 
  Hilerriaren ikuspegia.

Ikus, gainera

• Baionako judu hilerria
• Bidaxuneko judu hilerria
• Baionako sinagoga
• Biarritzeko sinagoga

Kanpo estekak

• Datuak: Q1716317
• Multimedia: Jewish cemetery in La Bastide-Clairence / Q1716317