Ireki menu nagusia

Basilio Martín Patino

Basilio Martín Patino (Lumbrales, Salamanca, 1930eko urriaren 29a - Madril, 2017ko abuztuaren 13a) espainiar zinema-zuzendaria izan zen.

Basilio Martín Patino
Basilio Martín Patino en la presentación de 'Libre te quiero' en el Festival de Cine y Derechos Humanos de San Sebastián.jpg
Bizitza
Jaiotza Lumbrales1930eko urriaren 29a
Herrialdea  Espainia
Heriotza Madril2017ko abuztuaren 13a (86 urte)
Familia
Ezkontidea(k) ezkongabea
Anai-arrebak
Hezkuntza
Heziketa Salamancako Unibertsitatea
Hizkuntzak gaztelania
Jarduerak
Jarduerak zinema zuzendaria
IMDb nm0554556

BiografiaAldatu

Filosofia eta letretako ikasketak egin zituen Salamancan, eta Cinema Universitario aldizkaria eta zinema-klub bat sortu zituen bertan. Madrila aldatu zen geroago, Zinemako Eskola Ofizialean zuzendaritza ikastera. Hasieran telebistarako eta publizitateko lanak egin zituen, baina ondoren zinemagintzan hasi zen. Bi film labur zuzendu zituen lehenik, eta 1965ean egin zuen lehenengo film luzeak, Nueve cartas a Berta (Bederatzi gutun Bertari), Donostiako Zinemaldian Zilarrezko Maskorra irabazi zuen[1]. Garai hartako film espainiar onenetakoa izan zen, eta bere lanetan azpimarratzekoa da Frantziako Nouvelle Vagueren eragina. Baina Martín Patinok ideia aurrerazaleak aldeztu izan zituen, eta horrek arazoak sortu zizkion zentsurarekin, adibidez Canciones para después de una guerra (1971, Gerra ondoren baterako kantuak) filmean, zeina debekatuta egon baitzen Francoren diktaduraren garaian. Geroago egin zituen Queridísimos verdugos (1974, Borrero maiteak) edo Caudillo (1976), artxiboko irudien bitartez (irudi horietako batzuk aurretik Espainian sekula ikusi gabeak ziren), Espainiako azken urteetako historiaren ikuspegi kritikoa eskaintzen duten filmak. Dena dela, batetik zentsuraren eraginez, eta bestetik eskakizun komertzialen aurrean amore eman ez izanaren eta une jakinetako gertaeren arrakasta (turismoa, etab.) baliatu nahi ez izanaren eraginez, ez zen oso zinemagile oparoa izan. 2007. urtean Salamancako Unibertsitateak doctor honoris causa izendatu zuen.

FilmografiaAldatu

ErreferentziakAldatu

  1. Nueve cartas a Berta Basiliomartinpatino.com

Kanpo loturakAldatu