Badok 13 Zarauzko beteranoen Arraunketa Elkartea
Badok 13 (izen osoa, Badok 13 Zarauzko beteranoen Arraunketa Elkartea) Zarauzko arraun talde bat da arraunlari beteranoak biltzen dituena. Kolore grisa erabiltzen badu ere, bandera jasotzerakoan elastiko urdina jartzen dute, Zarautz Arraun Elkartearen adierazgarri.
| Badok 13 | |
|---|---|
| Sorrera | 2012 |
| Herria |  Zarautz, Gipuzkoa
|
| Patroia(k) | Juan Angel Garmendia Garmendia
|
| Kolorea(k) | grisa |
| Trainerua | Branka |
| Palmaresa | 2 ABE Liga 2 Euskadiko Txapelketa 5 Gipuzkoako Txapelketa |
| 2023 | 2.a (ABE Liga) |
Historia aldatu
2012an Zarautz Arraun Elkarteak beteranoen taldea sortzea erabaki zuen eta 2014an hasi ziren Beteranoen Ligan. Aurreneko estropada ordea 2013ko Oriaren jeitsiera izan zuten eta irteeran 13. postua egokitu zitzaienez hortik atera zuten talde berriarentzako izena, Badok 13[1]. 2018. urtean Zarauzko eta Orioko eta Getariako elkarteetako beteranoak sartu ziren taldean eta mailak nabarmen egin zuen gora[2]. Urte hartan bigarren egin zuten Ligan eta bost estropada irabazi zituzten. 2019an Liga irabazi zuten, jokoan jarritako estropada guztietan gailenduz. Arraunlari ugari zituenez B traineruak ere estropada guztietan egin zuen arraun, gonbidatu gisa[1].
2020koa bertan behera utzi zen COVID-19 pandemiaren erruz eta 2021ean nagustitasun handiz itzuli dira. 2021ean Ligaz gain txapelketak ere antolatu ziren eta zarauztarrek Gipuzkoakoa eta Euskadikoa irabazi zuten. Liga horretan Amaia Aramendik arraun egin zuen eta Beteranoen liga irabazi duen aurreneko emakumezkoa izan zuen[2]. 2022an apalago ibili zen taldea.
Palmaresa aldatu
- ABE Traineruen Liga:
- Txapeldun (2): 2019, 2021.
- Bigarren (1): 2018.
- Euskadiko Traineru Txapelketa
- Txapeldun (2): 2019, 2021.
- Euskadiko distantzia luzeko traineru txapelketa
- Txapeldun (1): 2020.
- Gipuzkoako Traineru Txapelketa
- Txapeldun (5): 2018, 2019, 2021, 2022, 2023.
Denboraldiak aldatu
| Urtea | ABE Liga | Euskadiko txap. |
|---|---|---|
| 2014 | ? | - |
| 2015 | 8.a | - |
| 2016 | 7.a | - |
| 2017 | 7.a | - |
| 2018 | 2.a | - |
| 2019 | Txapelduna | Txapelduna |
| 2020 | - | - |
| 2021 | Txapelduna | Txapelduna |
| 2022 | 4.a | 6.a |
| 2023 | 2.a | 2.a |
Erreferentziak aldatu
- ↑ a b SA, Baigorri Argitaletxea. (2019-07-30). «Paladaz palada, BETERANOEN LIGAn EGONKORTU DA ZARAUZKO BADOK 13» GARA (Noiz kontsultatua: 2021-07-24).
- ↑ a b «Badok 13, gailurrera bigarrenez - Zarautz» Zarauzkohitza.eus (Noiz kontsultatua: 2021-07-24).
Kanpo estekak aldatu
Datuak: Q107631033
