Avalokitesvara

Avalokitesvara (Txinan Kuan-yin eta Japonian Kan-non) Mahayana budismoaren Bodhisattva garrantzitsuenetariko bat. Amitabharen hipostasia, betirako urrikalpenaren Bodhisattva; izan daitezkeen itxura guztiak hartzen ditu gizakia arriskuetatik salbatzearren. Budisten jainkozko itxurapen gurtuena agian, emakumezko jainko gisa irudikaturik ageri da sarritan (Bodhisattvak sexu zehaztu gabekoak badira ere), ontasuna, goxotasuna eta urrikia azpimarratzearren. Haren ezaugarriak loto-lore irekia eta ur edalontzia (egarri direnen oinazearen leungarri) dira. Txinan eta Tibeten hogeita hamahiru itxura eta izen desberdin hartzen ditu, haren ahalen alderdi sinboliko ugari kontatu gabe.

Avalokitesvara loto-lorea eutsiz (VIII.-IX. m., Indonesia)

ErreferentziakAldatu

Kanpo estekakAldatu