Wikipedia

Ava DuVernay

Ava Marie DuVernay (Los Angeles, Kalifornia, 1972ko abuztuaren 24a) zuzendari, gidoilari, ekoizle eta aktore estatubatuarra da. 2012an, Zuzendari Onenaren Saria irabazi zuen Sundance Zinemaldian, Middle of Nowhere bere bigarren filmarekin. Sari hori lortu zuen lehen emakume afroamerikarra izan zen.[1][2][3][4][5][6] Selma filmarekin, film onenaren Oscar sarirako izendatu zuten lehen zinema-zuzendari afroamerikarra ere bihurtu zen.

Ava DuVernay

Bizitza
JaiotzaLong Beach, 1972ko abuztuaren 24a (51 urte)
Herrialdea Ameriketako Estatu Batuak
Hezkuntza
HeziketaKaliforniako Unibertsitatea Los Angelesen
Hizkuntzakingelesa
Jarduerak
Jarduerakfilm-zuzendaria, idazlea, gidoilaria, zinema ekoizlea, showrunnerra eta telebista-ekoizlea
Jasotako sariak
KidetzaAlpha Kappa Alpha
avaduvernay.com
IMDB: nm1148550 Allocine: 505305 Allmovie: p564064
Facebook: directher Twitter: ava Instagram: ava Edit the value on Wikidata

Ibilbidea aldatu

Goi-mailako ikasketak egiten ari zela, DuVernay albistegien ekoizpenean interesatu zen. Bekaduna izan zen CBS News-en, eta arratsaldeko albistegi nazionaletan lan egin zuen Connie Chung eta Dan Ratherrekin, O.J. Simpsonen hilketagatiko epaiketetan. Kazetaritzatik desengainatuta, publizitatera igaro zen.[7][8]

Harreman publikoak aldatu

Graduatu ondoren, publizista junior gisa lan egin zuen estudio txiki batean. DuVernay FOX, Savoy Pictures eta beste agentzia batzuetan aritu zen, eta 1999an bere agentzia sortu zuen: DuVernay Agentzia, gero DVA Media + Marketing izenez ezaguna. Publizitate eta harreman publikoen enpresak hainbat sari jaso ditu, eta 100 zinema- eta telebista-proiektu baino gehiagoren estrategian lan egin du, besteak beste, Steven Spielberg, Clint Eastwood, Michael Mann, Robert Rodríguez, Kevin Smith, Bill Condon, Raoul Peck eta Gurinder Chadha zuzendarientzat.

Zinema aldatu

2008an, This the Life dokumentalarekin egin zuen debuta DuVernayk zinema-zuzendaritzan. Los Angeleseko Good Life Café-ren inguruko mugimendu artistikoari buruzko istorioa da. DuVernayk esan du film luze baterako dirua biltzen saiatzen ari zela eta, bitartean, "dokumentalak diru gutxiren truke egin nitzakeen zerbait ziren, eta orduan sentitu nuen dokumental gisa kontatzen nituen istorioetan egia aurkitzen nuen bitartean neure buruari filmatzen irakatsi ahal izango niola dokumentalen bidez".[9]

2011n estreinatu zen DuVernay-ren fikziozko lehen filma, I Will Follow, Salli Richardson-Whitfieldek interpretatutako drama. DuVernayren inspirazioa bere izeba Denise Sexton izan zen. "Filmeko pertsonaiak bezala, Duvernay eta izeba hondartzako etxe batera joan ziren Sextoni minbizia diagnostikatu ziotenean. DuVernayk bi urte eman zituen izeba zaintzen eta azken hilabeteak ahal bezain zoriontsuak egiten".[10] DuVernayk bere diruarekin amaitu zuen filma 15 egunetan: "50.000 dolarretik beherako kostua izan zuen, leku bakar batean filmatuz".[10] Roger Ebertek filma goraipatu zuen: "Lagun maite baten heriotzari aurre egiteari buruz ikusi dudan filmik onenetakoa da I Will Follow ".[11][12] I Will Follow hainbat zinema jaialdiren selekzio ofizialean izan zen: AFI Fest, Pan-African Film Festival, Urbanworld eta Chicago International Film Festival.

2011ko udan, Middle of Nowhere bigarren film luzea egiten hasi zen Duvernay. Filma AFRMk eta Participant Media produkzio-etxeak erosi zuten Sundance Zinemaldian, non U.S. Dramatic lehiaketan parte hartu baitzuen. Zuzendari Onenaren Saria irabazi zuen DuVernayk, eta hura irabazi zuen lehen emakume afroamerikarra izan zen.

ESPNk Venus Vs. filma produzitzeko eta zuzentzeko eskatu zion DuVernayri. Dokumental horretan kontatzen zen Venus Williamsek egin zuen borroka Nine for IX film-serieagatik jasotako ordainsariak berdintzeko. 2013ko uztailaren 2an aurkeztu zena.[13]

2016. urtean, esklabotzaren eta kartzelaratze masiboaren arteko loturari buruzko 13th dokumentala estreinatu zuen.[14]

Selma aldatu

DuVernayk Selma filma zuzendu eta ko-idatzi zuen. Martin Luther King Jr., Lyndon B. Johnson eta 1965eko Selmatik Montgomeryrako Martxari buruzko filma Plan B Entertainment-ek sortu zuen eta hogei milioi dolarreko aurrekontua du. Filma 2014ko abenduaren 25ean estreinatu zen.[15]

Eztabaida handia dago Selmari eta Lyndon B. Johnsonen ekintzak filmean aurkezteko moduari buruz.[16][17][18]

2014ko abenduan, Gay Talesek moderatutako galderen eta erantzunen topaketa batean, DuVernayk bere ikuspegia defendatu zuen: "Uste dut bakoitzak bere lentea erabiliz ikusten duela istorioa, eta ez nau gogaitzen inork ikusi nahi duena ikusi nahi izateak. Hauxe da ikusten dudana. Hauxe da ikusten duguna. Eta horrek baliozkoa izan beharko luke. Ez dut istorioa eztabaidatuko; ahalko nuke, baina ez dut eztabaidatuko".[19] DuVernayk filmerako, Paul Webb gidoilariaren gidoi originalaren zatirik handiena berridatzi zuen.[20][21] "Nik ez nuen gizon zuri salbatzaileari buruzko film bat egin nahi. Selmako jendeari buruzko film bat egin nahi nuen."[22] Historialarien kritikei eta historia arduragabe berridaztea leporatu zioten hedabideei erantzunez, DuVernayk adierazi zuen filma ez dela dokumentala. "Ni ez naiz historialaria. Istorio-kontalaria naiz".[23]

Filma Film Onenaren eta Abesti Onenaren sarirako izendatu zuten, baina ez Zuzendari Onenaren sarirako, 2014ko Oscar sarietan. Jatorrizko Abesti Onenaren Saria Selma-ko Gloria-rentzat izan zen.[24][25] DuVernayk adierazi zuen ez zuela hautagai izateko esperantzarik, eta, beraz, ez zegoela minduta, ezta David Oyelowo aktorea izendatu ez zutelako ere. Sarien arraza-aniztasunari dagokionez, esan zuen Akademiako Sarietan pertsona beltzentzako oztopoak sistemikoak zirela.[26]

Telebista aldatu

DuVernayk Scandal telesailaren 3.08 atala zuzendu zuen: "Vermont is for Lovers, Too".

2015. urtean, DuVernayk Queen Sugar telesail dramatikoa sortu zuen eta ekoizle exekutiboa izan zen Oprah Winfrey-rekin batera.[27][28] DuVernay CBS-ko For Justice drama pilotuaren ekoizle exekutiboa eta zuzendaria ere bada.[29]

2017ko uztailaren 6an, Netflixek When They See Us, lau atalez osatutako telesaila emango zuela iragarri zuen. DuVernayk sortu zuen, ekoizle exekutibo, gidoilari eta zuzendari gisa. Beste ekoizle exekutibo batzuk, Jeff Skoll, Jonathan King, Oprah Winfrey, Jane Rosenthal eta Berry Welsh izan ziren. Telesaila Netflixen estreinatu zen 2019ko maiatzaren 31n. Estreinatu zenean, minisailak gorespena jaso zuen mundu osoan.[30][31][32][33][34][35][36][37][38]

2019ko ekainaren 25ean, Netflixek jakinarazi zuen minisaila 23 milioi ikuslek baino gehiagok ikusi zutela estreinatu zen lehen hilabetean.[39] Emmy sarietarako 16 izendapen jaso zituen.

Filmografia[40] aldatu

Zinema aldatu

Urtea Izenburua Zuzendaria Gidoilaria Ekoizlea Erreferentzia
2010 I Will Follow Bai Bai Bai [41]
2012 Middle of Nowhere Bai Bai Bai [42]
2014 Selma Bai Ez Ez
2018 A Wrinkle in Time Bai Ez Ez [43]
Caste Bai Bai Bai [44]

Film dokumentalak aldatu

Urtea Izenburua Oharrak
2007 Compton in C Minor Laburra
2008 This is the Life
2016 August 28: A Day in the Life of a People Laburra
13th

Telebista aldatu

Urtea Izenburua Oharrak
2013 Scandal "Vermont is for Lovers, Too" atala
2015 For Justice pilotua
2016–2022 Queen Sugar Gidoilaria (4 atal), Zuzendaria (2 atal)
2019 When They See Us Zuzendaria (4 atal)
The Red Line
2020–egun Cherish the Day
2021 Colin in Black & White "Cornrows" atala
Home Sweet Home
2022 Naomi
DMZ "Good Luck" atala

Telesail dokumentalak aldatu

Urtea Izenburua
2010 TV One Night Only: Live from the Essence Music Festival
My Mic Sounds Nice: A Truth About Women and Hip Hop
Essence Presents: Faith Through the Storm
2013 Venus Vs.
HelloBeautiful Interludes Live: John Legend

Erreferentziak aldatu

  1. ↑ Demby, Gene. (30 de enero de 2012). «Sundance 2012: Ava Duvernay Becomes First Black Woman To Win Best Director Prize For Middle Of Nowhere» Huffington Post.
  2. ↑ Barnes, Brooks. (27 de enero de 2012). «Market for Films Signals Good, Not Great, Year for Sundance» The New York Times.
  3. ↑ Dargis, Manohla. (27 de enero de 2012). «Amazing Child, Typical Grown-Ups» The New York Times.
  4. ↑ Savali, Kirsten West. (29 de enero de 2012). «Straight Outta Compton: Ava Makes Black History At Sundance!» NewsOne.
  5. ↑ Myers, Scott. (10 de junio de 2013). «Interview: Ava DuVernay — Part 1» Go Into the Story.
  6. ↑ Farabee, Mindy. (20 de diciembre de 2012). «Ava DuVernay no longer in 'Middle of Nowhere'» The Los Angeles Times.
  7. ↑ Wright, Bekah. (1 de octubre de 2012). «Direct Action» UCLA Magazine.
  8. ↑ Stewart, Alicia W.. (25 de octubre de 2012). «Filmmaker Ava DuVernay uses a lens of legacy» CNN.
  9. ↑ Brown, Emma. (11 de octubre de 2012). «In the Middle of Somewhere with Ava DuVernay and Emayatzy Corinealdi» Interview Magazine.
  10. ↑ a b King, Susan. (11 de marzo de 2011). «For Ava DuVernay, making 'I Will Follow' is personal» The Los Angeles Times.
  11. ↑ Ebert, Roger. «Ebert Presents review of I Will Follow» Ebert Presents: At the Movies.
  12. ↑ Roger Ebert. (8 de marzo de 2011). «Review of 'I Will Follow» The Chicago Sun-Times.
  13. ↑ «Nine for IX: 'Venus Vs.'» ESPN 26 de junio de 2013.
  14. ↑ Blades, Lincoln Anthony. «Why EVERYONE Needs to Watch This New Documentary on Netflix» Teen Vogue.
  15. ↑ Jagernauth, Kevin. (20 de junio de 2014). «Ava DuVernay's 'Selma' Enters Oscar Race, Sets Christmas Day Release» Indiewire.
  16. ↑ Chariton, Jordan. (8 de enero de 2015). «‘Selma’ Director Ava DuVernay ‘Baffled’ By LBJ Controversy (Video)» The Wrap.
  17. ↑ Schuessler, Jennifer. (31 de diciembre de 2014). «Depiction of Lyndon B. Johnson in ‘Selma’ Raises Hackles» The New York Times.
  18. ↑ Califano Jr., Joseph A.. (26 de diciembre de 2014). «The movie ‘Selma’ has a glaring flaw» The Washington Post.
  19. ↑ Feinberg, Scott. (6 de enero de 2015). «'Selma' Director on Lyndon B. Johnson Portrayal: "I'm Not Gonna Argue History"» The Hollywood Reporter.
  20. ↑ Hornaday, Ann. (26 de diciembre de 2014). «DuVernay, David Oyelowo on breaking Martin Luther King Jr. out of myth and into life» Washington Post.
  21. ↑ Brody, Richard. (29 de diciembre de 2014). «The Crucial Lessons of Democracy in "Selma"» The New Yorker.
  22. ↑ Edwards, Gavin. (5 de enero de 2015). «We Shall Overcome: Ava DuVernay on Making 'Selma'» Rolling Stone.
  23. ↑ Milliken, Mary. (6 de enero de 2015). «'Selma' director makes history before awards are bestowed» Reuters.
  24. ↑ List of 87th Academy Award Winners. ABC News 23 de febrero de 2015.
  25. ↑ Oscars 2015: A Look at Biggest Latino Oscar Winners of the Past. 22 de febrero de 2015.
  26. ↑ Goodman, Amy. (27 de enero de 2015). «Selma Director Ava DuVernay on Hollywood’s Lack of Diversity, Oscar Snub and #OscarsSoWhite Hashtag» Democracy Now!.
  27. ↑ Andreeva, Nellie. (2 de febrero de 2015). «Oprah Winfrey To Co-Star In & Co-Create With ‘Selma’ Filmmaker Ava DuVernay ‘Queen Sugar’ OWN Drama Series» Deadline.com.
  28. ↑ Wilson, Stacey. (18 de febrero de 2015). «'Selma' Director Ava DuVernay on "Awkward and Weird" First Meeting With Oprah Winfrey» The Hollywood Reporter.
  29. ↑ Goldberg, Lesley. (10 de marzo de 2015). «'Selma's' Ava DuVernay 'For Justice'» The Hollywood Reporter.
  30. ↑ (Ingelesez) «Everything You Need to Know About Ava DuVernay's Central Park Five Netflix Series» Oprah Daily 2019-09-20 (Noiz kontsultatua: 2023-04-10).
  31. ↑ (Ingelesez) D'Addario, Daniel. (2019-05-21). «TV Review: Ava DuVernay’s ‘When They See Us’» Variety (Noiz kontsultatua: 2023-04-10).
  32. ↑ (Ingelesez) Henderson, Odie. «When They See Us movie review (2019) | Roger Ebert» https://www.rogerebert.com/ (Noiz kontsultatua: 2023-04-10).
  33. ↑ (Ingelesez) Fienberg, Daniel. (2019-05-21). «‘When They See Us’: TV Review» The Hollywood Reporter (Noiz kontsultatua: 2023-04-10).
  34. ↑ (Ingelesez) Goldberg, Matt. (2019-05-31). «When They See Us Review: A Magnum Opus of a Broken America» Collider (Noiz kontsultatua: 2023-04-10).
  35. ↑ (Ingelesez) Mangan, Lucy. (2019-05-31). «When They See Us review – Netflix's gut-wrenching tale of the Central Park Five» The Guardian ISSN 0261-3077. (Noiz kontsultatua: 2023-04-10).
  36. ↑ (Ingelesez) Chaney, Jen. (2019-05-30). «When They See Us Is an Intimate, Sensitive Look at the Central Park Five Tragedy» Vulture (Noiz kontsultatua: 2023-04-10).
  37. ↑ (Ingelesez) Paskin, Willa. (2019-05-30). «When They See Us Is a New Kind of Must-See TV» Slate ISSN 1091-2339. (Noiz kontsultatua: 2023-04-10).
  38. ↑ (Ingelesez) «Review: Ava DuVernay's ‘When They See Us’ gets to the human heart of the Central Park Five» Los Angeles Times 2019-05-31 (Noiz kontsultatua: 2023-04-10).
  39. ↑ (Ingelesez) Bennett, Anita. (2019-06-26). «‘When They See Us’ Watched By More Than 23 Million Netflix Accounts Worldwide» Deadline (Noiz kontsultatua: 2023-04-10).
  40. ↑ [1]
  41. ↑ (Ingelesez) Staff, T. H. R.. (2011-03-10). «I Will Follow: Film Review» The Hollywood Reporter (Noiz kontsultatua: 2023-04-10).
  42. ↑ (Ingelesez) «Review: Middle of Nowhere» Film Comment 2012-10-10 (Noiz kontsultatua: 2023-04-10).
  43. ↑ (Ingelesez) «Opinion | 'A Wrinkle in Time' is a love letter to black girls, not critics» NBC News (Noiz kontsultatua: 2023-04-10).
  44. ↑ (Ingelesez) Patten, Dominic. (2023-01-12). «Ava DuVernay’s ‘Caste’ Casts Oscar Nominee Aunjanue Ellis As Lead» Deadline (Noiz kontsultatua: 2023-04-10).

Kanpo estekak aldatu

"https://eu.wikipedia.org/w/index.php?title=Ava_DuVernay&oldid=9641550"(e)tik eskuratuta