Autoikaskuntza

Sistema batek, bere ekintzen arrakasta edo porrotean oinarrituta, bere programa pixkanaka aldatuz hobetzeko duen gaitasuna

Autoikaskuntza hitzak, baita Ikaskuntza autonomo ere, inoren laguntzarik gabe norberak ikasteko prozesua adierazten du, "nork bere kabuz egiten duen ikaskuntza" alegia.[1] Horrela ikasi duena autodidakta da. Autodidakta berak bakarrik ikasten duen pertsona da.

Ordenagailuek eta Internetek asko zabaldu dute autoikaskuntzaren aukerak.
Leonardo da Vinci autodidakta izan zen.

Autoikaskuntzaren prozesua aldatu

Sintesi gisa, esan dezakegu ikasteko autonomia pertsona batek bere ikasteko modua zuzentzeko, kontrolatzeko, erregulatzeko eta ebaluatzeko duen ahalmena dela, modu kontzientean eta nahita, nahi duen helburua lortzeko ikaskuntza-estrategiak erabiliz. Autonomia horrek hezkuntzaren azken helburua izan behar du, ikasten nola ikasi adierazten duena. Interneten erabilerak autoikaskuntzaren aukerak zabaldu ditu.

Autoikaskuntza eta jolasa aldatu

Autoikaskuntza gizakiak, ugaztunek eta beste animalia batzuek beren baitan duten zerbait da, eta agerian geratzen da jolasean ari direnean. Jolasteak, batzuetan kontuan hartzen ez bada ere, funtzio nagusia du trebetasun berriak ikastea edo jada badituztenak hobetzea. Askotan, autoikaskuntza jolasean hasten da, eta denbora bat igaro ondoren konturatzen da asko ikasi dela horrela, eta ez duela soilik ondo pasatzeko balio.

Autoikaskuntza eta euskara aldatu

Azken urteetan eta bereziki COVID-19 pandemiarekin batera asko zabaldu dira euskara ikasteko autoikaskuntzaren proposamenak, nahiz eta aurretik oso garatuak izan. Euskaltegi askok Internet bidezko aukera hau zabaldu dute. Dena dela, Ana Garmendiaren hitzetan, "Autoikaskuntza ez dator ohiko metodoa ordezkatzera".[2] Boga da horrelako autoikaskuntzaren sistema bat.[3]

Erreferentziak aldatu

Kanpo estekak aldatu