Joan Austriakoa

Joan Austriakoa
	; Irudi gehiago
Governor of the Spanish Netherlands (en)	; 1576 - 1578 ; ← Luis de Requesens - Alexandro Farnese (1545-1592) →
Governor of the Spanish Netherlands (en)
Bizitza
Jaiotza	Ratisbona, 1547ko otsailaren 24a
Herrialdea	Espainia
Heriotza	Namur, 1578ko urriaren 1a (31 urte)
Hobiratze lekua	Panteón de Infantes; San Lorenzo de El Escorial monasterioa
Heriotza modua	berezko heriotza: Tifusa
Familia
Aita	Karlos V.a Habsburgokoa
Ama	Barbara Blomberg
Seme-alabak	ikusi María Anna de Austria (en) ; Giovanna of Austria (en) ;
Anai-arrebak	ikusi Filipe II.a Espainiakoa; Isabel of Castile (en) ; Margarita Parmakoa; María Austriakoa; Joana Austriakoa; Infante Fernando of Austria (en) ;
Leinua	Habsburgo
Hezkuntza
Heziketa	Alcalako Unibertsitatea
Hizkuntzak	gaztelania
Jarduerak
Jarduerak	condottieroa, diplomazialaria, ofizierra eta militarra
Jasotako sariak	ikusi Urrezko Ardi-larruaren Ordenako zalduna ;
Zerbitzu militarra
Gradua	amiral; generalissimo (en)
Parte hartutako gatazkak	Lepantoko gudua

Joan Austriakoa (gaztelaniaz: Don Juan de Austria; Ratisbona, Germaniako Erromatar Inperio Santua, gaur egun Alemania, 1545 edo 1547ko otsailaren 24a - Namur, Espainiar Herbehereak, gaur egun Belgika, 1578ko urriaren 1a), Espainiako Karlos I.aren eta Barbara Blombergen ezkontzaz kanpoko semea, Habsburgo etxeko printzea izan zen. Bere anaiorde Espainiako Felipe II.aren agintaldian militar eta diplomatiko jardun zuen eta 1576-1578 bitartean Espainiar Herbehereetako gobernadorea izan zen. Lepantoko guduan otomandarrei nagusitu zitzaien itsas armadaren buruzagia izan zen.

Biografia aldatu

Karlos V.a enperadorearen sasiko semea eta Espainiako Felipe II.aren anaiordea zen. Espainiara eraman zuten haurra zela, eta Karlos enperadorea hil ondoren, Filipe II.ak anaiordetzat hartu eta handiki ohoreak eman zizkion, Don Juan de Austria izenez (1559). 1568an hasi zen borrokan Mediterraneoko kortsario berbereen aurka eta Granadako mairuen aurkako osteen buruzagi nagusi izendatu zuten 1569an.

Mediterraneoko itsas armadako nagusia zen 1571n, eta urte hartan bertan menderatu zuen otomandarren itsas armada Lepantoko guduan. 1573an Tunisia hiria konkistatu zuen, baina turkiarrek hartu zuten berriro ondoko urtean. 1576an Herbehereetara bidali zuen Filipe II.ak, espainiarren okupazioaren aurkako matxinadari eusteko asmotan. Gogoz kontra joan zen Joan Austriakoa eta baldintza bat jarri zion Filipe II.ari: Ingalaterra inbaditu eta Londresen preso zeukaten Maria Estuardo Eskoziako erreginarekin ezkontzeko baimena.

1577ko otsailean, Holandako matxinatuekin akordio batera heltzen saiatu zen, baina holandarrek ez zuten gobernari gisa onartu, ezta erlijio katolikoaren nagusitasunik ere. Gerrari berriro ekin ondoren, Namur hiria hartu zien holandarrei. Joan Austriakoaren azken hilabeteak guztiz hitsak izan ziren: Holandako gerrak nahigabe handiak ekarri zizkion, Juan de Escobedo, haren idazkaria, Filipe II.aren aginduz hil zuten, eta Espainiako erregeak guztiz bakarrik utzia zuelarik hil zen, pozoituta seguruenez.

Erreferentziak aldatu

Wikimedia Commonsen badira fitxategi gehiago, gai hau dutenak: Joan Austriakoa

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2013/01/09 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q157107
Multimedia: Don Juan de Austria / Q157107