Ireki menu nagusia

Ausa Gaztelu[1] Aralarko mendilerroko mendi bat da, bi udalerriren arteko muga egiten duena: tontorretik ekialdera Abaltzisketako lurrak dira; eta mendebaldera, Zaldibiakoak.[2] 901 metroko garaiera du.[3] Bere izena, bertan egon zen gaztelu batetik datorkio. Gaztelu hark Enirioko galtzada babestea zuen xede. Galtzada hark, izan ere, Gipuzkoako Goierri eskualdea eta Nafarroako Irurtzun herria lotzen zituen. Ausa Gaztelu mendiaren tontorrean, oraindik ere ageri dira han izandako gazteluaren hondakinak. Mendiaren hegoaldean, Errekonta lepoa dago; Larraitzetik edo Zaldibiatik erraz hel daiteke hara. Lepo hartan hobi bat dago. Hobi hartan sartzen diren urak mendiaren beste aldean agertzen dira, Osinbeltzeko iturburuan, Errekontaren hego-mendebaldean.

Ausa Gaztelu
Ausa Gazteluko gailurra.jpg
Datu orokorrak
Garaiera 901 m
Geografia
Koordenatuak 43° 01′ 00″ N, 2° 06′ 53″ W / 43.01660556°N,2.11463056°W / 43.01660556; -2.11463056Koordenatuak: 43° 01′ 00″ N, 2° 06′ 53″ W / 43.01660556°N,2.11463056°W / 43.01660556; -2.11463056
Herria Euskal Herria
Mendikatea Aralar
Herrialdea Espainia
Lurraldea Gipuzkoa
Mendizaletasuna
Ohiko bidea Zaldibiatik edo Larraitzetik
Mendikat Mendikat

IrispideakAldatu

 
Ausa Gazteluren gailurraren ikuspegia.

Zaldibiatik, Olako Zelaiara iritsi behar da. Han babesleku bat dago. Handik, Errekonta lepora igotzen da, Ausokoegi artzain bordatik igaroz; handik gertu dago tumulu bat. Beste bide bat ere badago, Arkaka txikian hasten dena. Zaldibiatik hel daiteke hara. Handik, Enirioranzko galtzada ospetsua hartzen da; Aitzarte igaro ondoren, Amiltzetako bordara igotzeko desbideratu behar da; ondoren, Errekontako lepora iritsiko gara.

Larraitzetik, Errekontarako bidea, Txindoki/Larrunarriranzko ohiko bidearen azpitik igarotzen da, eta ez du aparteko zailtasunik. Gaztesuiko langara iritsi behar da, eta bideari jarraitu, Larrunarriranzko bidea alde batera utzita. Ondoren, Gaztesuiko iturria dator, eta, bidea, Zapata zubia izeneko zubian amaitzen da, eraiki zuenaren omenez. Eta igotzen jarraitu behar da, Gongarretako borda eskuinetara utzita. Igoeratxo labur bat igaro ondoren, Errekontara heltzen da. Magaletik dagoen igoera gogorrak, Ausa Gazteluren tontorrera daroa.

BerezitasunakAldatu

Han, tontorretik ez oso urruti, Ausokoi trikuharria dago.

ErreferentziakAldatu

  1. Euskaltzaindia: Euskal Onomastikaren Datutegia (EODA), Euskaltzaindia.net webgunea.
  2. Ausa Gazteluko mapa, Gipuzkoako Datu Espazialen Azpiegitura webgunean.
  3. Auza mendia (sic), Gipuzkoako Datu Espazialen Azpiegitura webgunean.
Wikimedia Commonsen badira fitxategi gehiago, gai hau dutenak: Ausa Gaztelu
Euskarazko Wikipedian bada atari bat, gai hau duena:
Euskal Wikiatlasa