Ireki menu nagusia

Juan Ignacio "Atxo" Apellaniz (Araba, 1954ko otsailaren 24 - K2 mendia, 1994ko abuztuaren 11) puntako euskal alpinista zen. TVEko Al filo de lo imposible telebista saioko kolaboratzailea zen. Bost zortzimilako igo zituen.

Atxo Apellaniz
Bizitza
Jaiotza Araba1954ko otsailaren  24a
Herrialdea  Espainia
Heriotza K21994ko abuztuaren  11 (40 urte)
Heriotza modua istripua
Jarduerak
Jarduerak mendigoizalea

1994ko abuztuaren 4an Juanjo San Sebastian euskal alpinistarekin K2 zortzimilakoaren tontorrera igo zen iparraldetik, Txinako aldetik. Jaisten ari zirela, elur-jausi batek biak harrapatu zituen. Elur-jausiak Juanjo bigarren kanpamentutik gertu utzi zuen eta segurtasun eremura heldu ahal izan zen. Atxok berriz, eskularruak galdu zituen eta mendian geratu zen. Hiru bibak egin zituen, mendian galduta zegoela, 7.800 metro altueran laugarren kanpamentura heldu aurretik. Laugarren kanpamentura heldu ahal izan zenean izozketa-sintoma larriak zituen. Bere kideek bigarren kanpamentura eraman ahal izan zuten baina bertan hil zen 1994ko abuztuaren 11n nekeak jota, 6.700 metro altueran. Juanjo San Sebastiani hatz guztiak ebaki behar izan zizkioten izoztuak zituelako.

Orain, Gasteizko kale batek bere izena darama bere omenez.

LorpenakAldatu

ZortzimilakoakAldatu