Asier Sarasua Aranberri
Asier Sarasua Aranberri (Eibar, Gipuzkoa, 1969) biologoa, filologoa, idazlea eta blogaria da. Eibarren jaioa, Leioan eta Bartzelonan egin zituen biologia ikasketak, eta zoologian eta ekologian espezializatu zen. Ondoren populazio-dinamikan graduondokoa egin zuen Renoko Unibertsitatean. Zenbait urtez biologiarekin zerikusia zuten lanetan aritu arren, oso gazterik hasi zen euskal kulturaren eta euskalgintzaren inguruan lanean. Euskal filologia ikasketak ere burutu zituen eta azken urteotan euskararekin eta bereziki euskalkiekin zerikusia duten hainbat proiektutan parte hartu du.
| Asier Sarasua Aranberri | |
|---|---|
 | |
| Bizitza | |
| Jaiotza | Eibar, 1969 (49/50 urte) |
| Herrialdea |
 Gipuzkoa, Euskal Herria |
| Hezkuntza | |
| Heziketa | Euskal Herriko Unibertsitatea |
| Hizkuntzak |
gaztelania euskara |
| Jarduerak | |
| Jarduerak | blogaria, biologoa eta filologoa |
Bere herriko historia eta hizkera biltzen hainbat lan egin ditu, eta beste herri batzuetako hizkerak ere aztertu ditu (Beasain, Zarautz, Getaria, Zumaia). Eibarko ahozko ondare historikoa biltzeko sortutako proiektua abiarazi zuen 1999an (Eibartarren Ahotan[1]), eta Ahotsak.eus proiektuko kide eta sortzaile ere bada. Gainera, Eibarren egindako beste zenbait proiektu eta erakusketatan ere parte hartu izan du (besteak beste, Eibarko Hiztegi Digitalean[2]).
Sarean ere pertsona aktiboa, Eibar.org elkarteko kide da hasieratik, bertan dauka bere blog pertsonala 2004. urtetik, eta sareko beste hainbat ekimen eta proiektutan ere parte hartu izan du (Umap.eus, Sustatu.eus, Txoriak.eus, eta abar).
BibliografiaAldatu
- Eibarko hegaztiak (1996, Eibarko Udala)
- Eibarko basarrixak (1997, Eibarko Udala)
- Eibarko hiztegi etnografikoa (2003, Eibarko Udala) [3]
- Eibarko euskara. Gure hizketaren doinu eta berbak (2005, Eibarko Udala)
- Eibarko mapa toponimikoa (2005, Eibarko Udala)
- Beasaingo euskara (2007, Beasaingo Udala)
- Zarautz hizketan (2007, Zarauzko Udala)
- Getaiko euskera (2017, Getariako Udala)
ErreferentziakAldatu
- ↑ «Eibartarren ahotan — Eibarko Kultura Ondarea - Egoibarra.eus» egoibarra.eus . Noiz kontsultatua: 2018-10-03.
- ↑ Eibarko Hiztegi Digitala sarean.
- ↑ Eibarko Hiztegi Etnografikoa.
