Arrautza egosia edota arrautza gogortua gatzun edo uretan egosi ohi den arrautza bat da, nagusiki oilo arrautza. Egosketan zehar arrautzak oskola mantentzen du.

Arrautza egosi
janari eta jaki
Materialakarrautza

Uretan oskolik gabe egosten diren arrautzei arrautza poxatuak edo arrautza eskalfatuak deitzen zaie.


Egosteko moduak aldatu

Arrautza egosterako orduan era desberdinak daude, eta egoste denbora aldatuz arrautza modu desberdina lortu dezakegu. Dena delako moduan, kontu garrantzitsua izan ohi da kazolan jartzen lehena arrautza izatea, eta ondotik ura eta gatza. Hona hemen aipaturiko moduak:

  • Uretan pasata. Hitzak dioen bezala, uretan pasada bat ematearen tankera du moduak. 4 minutuz arrautza ur irakinetan mantentzea da gakoa.
  • Mollet arrautza. Hiruzpalau minutuz egosita, bost minutura iritsi gabe.
  • Arrautza egosia. Zortzi-hamar minutuz egosita, zuringo eta gorringoa guztiz gogortuta geratzen dira.

Uretan pasata aldatu

Ura irakiten hasten denetik 4 minutu bitarte mantendu egoste prozesua. Honela, zuringoak gorputz pixka bat hartzen du, eta gorringoa berriz likido mantentzen da. Prestatzen den momentuan jatea komeni da, salmonellaz gaixotzeko arriskua baitago, batez ere haur pertsona nagusi eta sistema inmunitarioa makal duten pertsonengan. Kolonbia, Mexiko eta Venezuela bezalako herrialdeetan huevo tibio gisa ezaguna da modu hau.

Mollet aldatu

Mollet arrautza edo itzulpena eginda arrautza biguna bost minutuz egosten edukita lortzen dugu, honela zuringoa mamituta eta gorringoa likido antzean gelditzen dira. Arrautza mota hau asko erabiltzen da gosari modura jartzeko, arrautzaren moldeko ontzian jarri eta goilaretxo batekin barruko edukia atereaz.

Arrautza egosia aldatu

Arrautza egosia zortzi eta hamar minutu bitarte egosten edukita lortzen dugu, honela, bai zuringo zein gorringoa gogortuta geratzen dira. Hau da sukaldean gehien erabiltzen den modua, ondoren erditan edo laurdenetan zatituta aurkezteko. Bestalde, ogitarteko edota sandwitch-etan sartzeko xerra biribilak moztu ohi dira.

Kanpo estekak aldatu