Arlabango lehen gudua irabazle barik bukatu ondoren, maiatzean Córdovak berriro Arlabango gainak bereganatzeko ahaleginari ekin zion. Lau egunez luzatu ziren borrokak oraingoan. Liberalek karlisten arma fabrika erre zuten Araian. Aurrera eta atzera ibili ziren Leintz Gatzaga batzuen eta besteen eskutatik igaroz. Espartero izan zen , oraingoan ere, liberalen artean nabarmendu zena, Villarreal karlisten artean. Maiatzaren 26an liberalak Gasteiza erretiratu ziren, bide batez menpean izan zuten Legutio eta inguruko zenbait baserri errez.
Galerak orekatuak izan ziren, 600 soldadu alde bakoitzeko. Era berean bi aldeek garaipentzat izan zuten borroka hau, baina, baten batek irabaztekotan karlistak izan zirela esan behar, Arlabango posizioak galdu ondoren beraien menpe geratu baitziren azkenean. Narváez koronela, urte batzuk beranduago Esparteroren etsai politikoa izango zena, borroka honetan zauritua izan zen.
Erreferentziak
aldatu
Kanpo estekak
aldatu
Gipuzkoa
.svg){kind=small}
Datuak: Q12254015