Argiaren alaba

Argiaren alaba, Yolanda Arrieta Malaxetxebarria idatzitako liburua da, Eleberriaren alorrean sailkatua. 2014. urtean Markina-Xemeingo udalaren laguntzaz autoeditatu zen eta 2015. urtean argitaratu zen Denonartean argitaletxearen bidez argitaratu zen.

Argiaren alaba
Datuak
Idazlea	(2014)
Argitaratze-data	2014
Generoa	Eleberria
Hizkuntza	Euskara
Herrialdea	Euskal Herria
Orrialdeak	159 or.
ISBN	978-84-616-9578-2
Datu gehigarriak
Yolanda Arrieta Malaxetxebarria, Argiaren alaba liburuaren pasarte bat irakurtzen.

Argumentua

Mirarik hamazazpi urte ditu, aita amerikarra eta ama euskalduna. Estatu Batuetan bizi arren, ama eta izeko Amaia jatorri euskalduna mantentzen saiatu dira, betidanik, eta horregatik moldatzen da primeran euskaraz. Gaitasun handiko nerabea izanik, ez du inoiz arazorik izan letrekin eta zenbakiekin, baina berak dioen bezala, “adimena estatistiken gainetik doanean, emozioak auskalo, eta bizipenak, estatistikoki altutzat hartzen den adimena baino koska bi beherago, hegaldatzeak eskatzen duen abiada hartzeko lurrik gabe sentitzen da bat”. Horregatik, etxean beretzat antolaturiko planei aurrea hartuz, izeko Amaiarekin igaroko du 2013ko uda, aitita-amamen lurraldean. Era bitxi batean, ordea: denboran salto eginez, bi mende eta laurden aurretik, bertan hazitako neska idazle baten bizimoduan murgildu ahala, datuak fikzio bihurtzen.

Gaia

Lan honen xedea, Bizenta Mogel Elgezabal andre idazlearen bizitzara eta bizimodura hurbiltzea izan da, datu errealetan oinarritutako fikzio baten bidez, fikzio-prozesua bera delarik ardatz eta eragile.

Pertsonai nagusiak

Mirari, protagonista nagusia: hamazazpi urteko neska.

Amaia, Mirariren izeba.

Sariak

2015 - Euskadi saria - Euskarazko haur eta gazte literatura

Kanpo estekak

• Yolanda Arrietaren web orri ofiziala
• Yolanda Arrietari elkarrizketa Berrian
• Argiaren alaba on Vimeo
• Argiaren alaba Koldo Mitxelena Liburutegiko katalogoan
• bizkaie! Bizenta Mogel (1782-1854). Andre argi baten ikurrak

• Datuak: Q61362359