Ireki menu nagusia
ParquefluvialArga.jpg

Iruñerriko Ibai Parkea edo Argaren Ibai Parkea 33 kilometroko bide berdea da Iruñerrian. Iruñerrira doazen Arga, Ultzama, Elortz eta Sadar ibaien ibilbidean kokatzen da. Parkean ibaiko ekosistemak zaintzen dira, landareak eta animaliak bizirik irauteko babeslekua izanik. Basabizitzaren aterpea eta berdegunea da, Ibai horien ingurunea hiriko presiotik babesten duena. Gainera ibaiaren inguruan dauden arkitektura-ondarea eta industria-ondarea ere ezagutzeko aukera ematen ditu. 2007az geroztik Iruñerriko Mankomunitateak kudeatzen du parkea. Eskualdearen paisaia hobetzeko balio izan du eta oinez edo bizikletaz ibiltzeko komunikabide garrantzitsua eskaini du.[1] Udalerri hauetatik igarotzen da: Esteribar, Uharte, Egues, Ezkabarte, Atarrabia, Burlata, Iruñea, Barañain, Oltza Zendea, Zizur Nagusia eta Aranguren.

IbilbideaAldatu

Bizikletaz eta oinez egin daiteke ibilbide osoa, eta zati askotan ibaiaren alde bietatik.

Hasieran Elortz eta Sadar ibaietako adarrak egiten ditu ekialdetik mendebaldera Aranguren, Zizur Nagusia, eta Oltza Zendea herrietatik igarotzen. Gero Barañainera helduta, eta Arga ibaian gora joanez gero, hego-mendebaldetik ipar-ekialdera doa. Barañaindik hasita, Iruñea, Burlata, eta Atarrabiaraino doa. Eta gero Atarrabiako San Andres Errotan bi adarretan banatzen da, Arga ibaiarekin berarekin Uharte eta Zabaldikara doa eta Ultzama ibaiarekin Arre eta Soraureneraino.

 
Iruñerriko ibai parkea, mapa[2]

ZubiakAldatu

Hainbat zubi ikus daitezke ibilibidean, besteak beste hauek:

GaleriaAldatu

Formalki ez da bide berdeaAldatu

Formalki hitz egiten, ezin da esan Iruñerriko parkekoa bide berdea denik. Bide berde kontzeptuaren esanahia ez da bera herrialde guztietan, eta legalki estatu espainiarrean izen horrek formalki "trenbide trazatu zaharretan zehar doazen ibilbideak" adierazten ditu. “Vía verde” Fundación de los Ferrocarriles Españoles izenekoak Patente eta Marken Espainiar Bulegoan 1994an erregistratutako marka bat dela. Legearen indarrez, horren erabilera trenbide azpiegitura zaharretan barrena doazen ibilbideetara dago mugatuta. Frantzian aldiz Voie verte bizikleta-zidorraren parekoa da: oinezko eta zikloetarako bidea, trafiko motordunetik bereizia, espazio ireki, parke, lorategi edo basoetan zehar doana.[3]

Ibai parke honetatik ez da inoiz trenbiderik joan. Beraz formalki ezin da esan “Vía verde” bat dela, nahiz eta oinezko eta zikloetarako bidea izan, trafiko motordunetik bereizia, espazio ireki, parke, lorategi edo basoetan zehar doana.

ErreferentziakAldatu

  1. «Ezagutu parkea | Mancomunidad de la Comarca de Pamplona» www.mcp.es . Noiz kontsultatua: 2019-08-20.
  2. «Iruñerriko ibai parkearen planoa PDF formatuan.», Iruñerriko Mankomunitatea, 2019, . Noiz kontsultatua: 2019-08-21.

Ikus gaineraAldatu

Kanpo loturakAldatu