Arratabe jauregia
Aretxabaletako udaletxea edota Arratabe jauregia Gipuzkoako Debagoiena eskualdeko Aretxabaleta udalerriko udalaren egoitza da. Arratabe jauregian kokatua dago. Andre Mariaren Jasokundearen elizaren alboan eta Otalora jauregitik hurbil.
| Arratabe jauregia | |
|---|---|
| Kultura ondasuna | |
 | |
| Kokapena | |
| Herrialdea |  Euskal Herria |
| Probintzia |  Gipuzkoa |
| Udalerria | Aretxabaleta |
| Koordenatuak | 43°02′15″N 2°30′16″W / 43.037411°N 2.504323°W |
 | |
| Historia eta erabilera | |
| Eraikuntza | 1726 |
| Erabiltzailea | Aretxabaletako Udala |
| Arkitektura | |
| Estiloa | Barrokoa |
| Ondarea | |
| BIC | RI-51-0001464 |
| 3 | |
| Kontaktua | |
| Helbidea | Otalora, 1 |
Historia aldatu
1726 urtean oinetxe modura eraiki zuen María Isabel de Otalorak, Enrique Antonio Arratabe Araotzen alargunak[1]. Aurrez bertan izan zen Uribe jauregiaren materialaz gain Eskoriatzako beste eraikin bateko harriak ere erabili ziren Arratabe jauregia eraikitzeko. Estilo barrokoan eraiki zen.
1986 urtean Aretxabaletako udalak erosi zuen eta udaletxe bihurtu zuen.
Ezaugarriak aldatu
Oinplano errektangularra duen eraikina da eta lau isuritako teilatua du. Behe solairua eta lehen solairuaz gain ganbara zabal bat ere badu, erakusketak egiteko eta hitzaldiak emateko erabiltzen dena. Teilatuan leiho bat ateratzen da, elementu errektangular batean[2].
Egurrezko atea du, burdinez hornitua, eta aurrean metrobeteko altuerako burdinezko hesia, apaingarri ederrak dituena. Goiko leihoetan balkoiak daude, bai eta Otalora kalera ematen duten leihoetan ere. Atzealdean, jauregiaren lorategira emanez, miradore zuri bat dago.
Armarria aldatu
Fatxadan daukan elementurik ikusgarriena eraikinaren ertzean dagoen armarri berezia da. Lau zatitan banaturik dago, lehenengoan Arratabe familiaren armarria ikusten da (lau otso ibiltari goiko aldean, urrezko hiru banda erdian, eta zilarrezko bost zerrenda azpiko aldean) eta gainerako hiruretan Otalora, Galartza eta Araoz-Lazarraga familien aliantza-armarriak ageri dira.
Familien armarrien inguruan hainbat elementu ageri dira: bi lamia, lehoi buru bat, bi lehoi zutitu eta bi aingeru[3].
Iruditegia aldatu
-
Armarria. -
Armarria.
Erreferentziak aldatu
- ↑ Ondare historikoa — Aretxabaletako Udala. (Noiz kontsultatua: 2017-09-09).
- ↑ «Arratabe jauregia (egungo udaletxea)» turismo.euskadi.eus.
- ↑ Internet, Hispatek. Aretxabaleta: Casa Solar de Arratabe. - Guía de Ocio de Gipuzkoa - Gipuzkoako Aisialdi Gida. (Noiz kontsultatua: 2017-09-09).
Kanpo estekak aldatu
Datuak: Q12253916
Multimedia: Town hall of Aretxabaleta / Q12253916
