Arantxa Tapia

Miren Arantzazu Tapia Otaegi (1963ko irailaren 24a, Astigarraga), ezagunagoa Arantxa Tapia gisa, gipuzkoar politikari jeltzalea da. 2012ko abenduaren 17tik aurrera Eusko Jaurlaritzako Ekonomiaren Garapena eta Azpiegituretako Sailburua da. Gainera, 2016an Azpiegitura sailburu ere bilakatu zen. 2020ko irailean, Iñigo Urkullu Lehendakariak Ekonomiaren Garapen, Jasangarritasun eta Ingurumen sailburu izendatu zuen.

Arantxa Tapia
(2020) Irudi gehiago
Eusko Legebiltzarkidea 2020ko abuztuaren 3a - 2020ko irailaren 21a Barrutia: Gipuzkoa Hautetsia: Eusko Legebiltzarreko XII. legealdia Eusko Legebiltzarkidea 2016ko urriaren 21a - 2016ko abenduaren 5a Barrutia: Gipuzkoa Hautetsia: Eusko Legebiltzarreko XI. legealdia Eusko Jaurlaritzako Ekonomia sailburua 2012ko abenduaren 17a - Espainiako Diputatuen Kongresuko diputatua 2011ko abenduaren 2a - 2012ko abenduaren 17a Barrutia: Gipuzkoa Hautetsia: 2011ko Espainiako hauteskunde orokorrak
Bizitza
Jaiotzako izen-deiturak	María Aránzazu Tapia Otaegi
Jaiotza	Astigarraga, 1963ko irailaren 24a (60 urte)
Herrialdea	Gipuzkoa, Euskal Herria
Bizilekua	Zumaia
Hezkuntza
Heziketa	Nafarroako Unibertsitatea (1987 - 1992) doktore : Ingeniaritza industrial
Hizkuntzak	gaztelania euskara ingelesa
Jarduerak
Jarduerak	politikaria, unibertsitateko irakaslea eta ingeniaria
Lantokia(k)	Madril eta Gasteiz
Enplegatzailea(k)	Donostiako Goi Ingeniaritza Eskola  (1987 -  1992) Euskal Herriko Unibertsitatea  (1992 -  2011ko urria)
Sinesmenak eta ideologia
Alderdi politikoa	Eusko Alderdi Jeltzalea

Nafarroako Unibertsitateak Gipuzkoan duen gaur egungo Tecnun-en ikasi zuen ingeniaritza industriala eta bertan egin zen doktore 1992an "Sendoak diren aldagai anitzezko PI kontroladoreen diseinu eta garapena eta potentzia erreaktibo eta tensioaren erregulazio sekundarioan duten aplikazioa" lanarekin, cum laude kalifikazioarekin. 1992an hasi zen klaseak ematen EHUn, eta han "Sistemas de transporte" eta "Teoría de los elementos finitos" eman zituen eta katedraduna da Euskal Herriko Unibertsitatean (EHU). Ibilbide gehiena ikerlari eta irakasle gisa egin du, unibertsitatean. Politikan sartu baino lehen, Donostiako Eskola Politeknikoaren zuzendaria izan zen, beste hainbat karguren artean.

2005an politikan sartu zen. Orduan, Garraio eta Herri Lan sailburuorde izendatu zuten, Juan Jose Ibarretxeren Gobernuan. Ondoren Mugikortasun eta Lurralde Antolakuntza diputatua izan zen Gipuzkoako Aldundian, Markel Olano ahaldun nagusiarekin. Horren ostean, lurralde horretako zerrenda jeltzalearen burua izan zen 2011ko Espainiako hauteskunde orokorretan.

Espainiako Diputatuen Kongresuan EAJren Hezkuntza bozeramaile izan da, besteak beste, eta, azken asteetan, PPko Jose Ignacio Wert ministroaren erreformaren aurka egin du.

Kanpo estekak

• Arantza Tapia sailburu berriaren biografia. Eitb.com

• Datuak: Q982764
• Multimedia: Arantza Tapia / Q982764

Aurrekoa Bernabé Unda (Industria, Berrikuntza, Merkataritza eta Turismoa) Pilar Unzalu (Ingurumena, Lurralde Plangintza, Nekazaritza eta Arrantza)	Eusko Jaurlaritzako Ekonomia Garapen eta Lehiakortasun Sailburua 2012ko abenduaren 17a - 2016ko azaroaren 28a	Ondorengoa Bera (Ekonomiaren Garapena eta Azpiegiturak) Alfredo Retortillo (Turismoa, Merkataritza eta Kontsumoa)
Aurrekoa Bera (IEkonomia Garapena eta Lehiakortasuna) Ana Oregi (Ingurumena eta Lurralde Politika)	Eusko Jaurlaritzako Ekonomiaren Garapena eta Azpiegitura Sailburua 2016ko azaroaren 28a - 2020ko irailaren 8a	Ondorengoa Bera (Ekonomiaren Garapena, Jasangarritasuna eta Ingurumena)
Aurrekoa Bera (Ekonomiaren Garapena eta Azpiegiturak) Iñaki Arriola (Ingurumena, Lurralde Plangintza eta Etxebizitza)	Eusko Jaurlaritzako Ekonomiaren Garapen, Jasangarritasun eta Ingurumen Sailburua 2020ko irailaren 8a - gaur egun	Ondorengoa Karguan