Apeninoak

Apeninoak edo Apenino mendiak (italieraz: Appennini) Italiako mendilerro luzea da. Ia 1.000 kilometroko luzera dute, Italiar penintsulako iparraldetik hegoalderaino, ekialdeko itsasertzaren parean. Apeninoak penintsula horren ardatz nagusia dira.

Apeninoak
Datu orokorrak
Mendirik altuena	Corno Grande
Garaiera	2.912 m
Luzera	1.200 km
Zabalera	250 km
Geografia
Koordenatuak	43° 16′ 54″ N, 12° 34′ 55″ E
Honen parte da	Alpetar gerrikoa
Herrialdea	Italia

Mendiak basoz beteta daude, nahiz eta mendirik garaienaren (2.914 metroko Corno Grande) hegoaldeko zatia Europako glaziarrik hegoaldekoena izan. Mendebaldeko maldak, Itsaso Adriatikoarenak alegia, zorrotzak dira; ekialdekoek, berriz, Italiako hiri nagusi asko kokatuta dauden lautadetan bukatzen dute.

Ipar-mendebaldean Liguriako Apeninoak Alpeekin lotuta daude. Hegoaldeko Apeninoek (Calabriakoek), nolabait, Siziliako iparraldeko mendietan dute jarraipena.

Eduki-taula

Zatiketa

• Iparraldeko Apeninoak.
  • Liguriako Apeninoak.
  • Toscana-Emiliako Apeninoak.
• Erdiko Apeninoak.
  • Umbriako Apeninoak.
• Hegoaldeko Apeninoak.

Mendirik garaienak

Izena	Garaiera
Corno Grande	2,912 m
Monte Velino	2,486 m
Monte Vettore	2,476 m
Pizzo di Sevo	2,419 m
Monte Terminillo	2,217 m
Monte Sibilla	2,173 m
Monte Miletto	2,050 m
Monte Maggio	1,853 m
Monte Catria	1,701 m
Monte Pennino	1,560 m
Monte Nerone	1,525 m

Besteak

Bigarren Mundu Gerran, alemaniarrek Apeninoak defentsarako harresi gisa (Linea Gótica) erabili zituzten. 1944ko irailean aliatuek eraso egin zuten, arrakasta handirik lortu gabe.

Ilargian ere badaude Apeninoak, Mare Imbriumen ondoan. Bertan ilargiratu zen Apollo 15a.

Ikus, gainera

• Italiako geografia

Erreferentziak

Wikimedia Commonsen badira fitxategi gehiago, gai hau dutenak: Apeninoak