Annapurna Himalaiako mendigune bat da, Nepalen kokatua. Mendiguneko gailurretako bat, Annapurna I deritzona, munduko mendirik altuenetan hamargarrena da, 8.091 metro baititu. Munduko mendirik arriskutsuenen artean dago, igo dutenen % 41ek bizia utzi baitute bertan. 2014ko urrian, elur-jausi baten ondorioz 43 pertsona hil ziren trekking batean, eta beste 175 zauritu.

Annapurna
AnnapurnaSouthMountain.jos.500pix.jpg
Datu orokorrak
Mendirik altuena Annapurna I (en) Itzuli
Garaiera 8.091 m
Prominentzia 2.984 m
Geografia
Massif de l'Annapurna.png
Koordenatuak 28° 35′ 46″ N, 83° 49′ 13″ E / 28.5961°N,83.8203°E / 28.5961; 83.8203Koordenatuak: 28° 35′ 46″ N, 83° 49′ 13″ E / 28.5961°N,83.8203°E / 28.5961; 83.8203
Mendikatea Himalaia
Herrialdea Nepal
Lurraldea Dhawalagiri Gunea
Lehen igoera 1950an, Maurice Herzog eta Louis Lachenal

1950eko ekainaren 3an, Maurice Herzogek eta Louis Lachenal frantziarrek lehen aldiz igo zutenean, Annapurna izan zen garaitutako lehen zortzimilakoa. Hegoaldeko aurpegia eskalatu zuten 1970ko maiatzaren 27an lehendabiziko aldiz Don Whillans eta Dougal Haston britainiarrek. 1987ko otsailaren 3an lehen aldiz igo zuten neguan Jerzy Kukuczka eta Artur Hajzer poloniarrek.

Izena sanskritotik itzuli dezakegu "mugagabeko janaria" moduan. Ipar-mendebaldeko aurpegia bide errazena da.

GailurrakAldatu

 
Mendikatearen ikuspegia.

Hona hemen mendiguneko gailur nagusiak:

Annapurna I 8.091 m
Annapurna II 7.937 m
Annapurna III 7.555 m
Annapurna IV 7.525 m
Gangapurna 7.455 m
Hego Annapurna 7.219 m

Euskal mendizaleakAldatu

1988ko urriaren 3an Pablo Aldai eta Juanfer Azkona izan ziren lehenengo euskaldunak bertara igotzen. 1999an Juanito Oiarzabal haraino goraino iristen lortu zuen, eta modu horretan 14 zortzimilakoak osatu zituen. 2002an Alberto Iñurrategik marka bera eskuratu zuen tontor hartan bertan. 2010eko apirilaren 17an Edurne Pasaban tontorreratu zen bertan, bere azkenaurreko 8.000koa izan zena 14ak hurrengo urtean osatu baino lehen.

Bestela, 2008ko maiatzaren 23an mendi honen goikaldean Iñaki Otxoa de Olza hil zen.

Irudi galeriaAldatu

Ikus, gaineraAldatu

Kanpo estekakAldatu