Anjel Aldaz
Anjel Aldaz (Ihaben, 1914 – Berriozar, 1993ko urtarrila)[1] nafar bertsolaria izan zen.
| Anjel Aldaz | |
|---|---|
| Bizitza | |
| Jaiotza | Ihaben, 1914 |
| Herrialdea |  Nafarroa Garaia, Euskal Herria |
| Heriotza | Berriozar, 1993ko urtarrila (78/79 urte) |
| Hezkuntza | |
| Hizkuntzak | euskara |
| Jarduerak | |
| Jarduerak | bertsolaria eta postaria |
| Zerbitzu militarra | |
| Parte hartutako gatazkak | Espainiako Gerra Zibila |
Bizitza aldatu
Anjel Aldaz Basaburuko Ihaben herrian jaio zen, 1914an. 12 urte zituelarik, artzain koxkor joan zen Itsasoko Zurginenera. Ihaben aski erdaldundua zegoen orduko, baina Itsaso arras euskalduna zen.[2] Artzain zebilelarik kantatzea maite zuen eta, era horretan, bertsoetarako zaletasuna sartu zitzaion. Espainiako Gerra Zibilean Guadarraman aritu zen, Tercio de Santiago errekete konpainian. Gerratik bueltan, Basaburuko postari postua eman zioten, eta horretan jardun zuen erretiroa hartu arte.[3]
Askotan aritzen zen bertsotan ostatuetan; jendaurrean, berriz, Gartzarungo plazan kantatu zuen aurrenekoz. Harrezkero, maiz deitzen zioten Basaburua, Imotz eta inguruko herrietatik bertso bazkari eta afarietan kantatzeko.[3] 1960, 1961, 1962, 1963, 1964 eta 1966ko Nafarroako Bertsolari Txapelketetan parte hartu zuen. 1963an erdietsi zuen posturik hoberena: hirugarrena.[4] 1960koan, Lesakako kanporaketan, honela kantatu zuen agurra:[2]
San Permin txiki zu izanikan
herri hontako zaindari
zure laguntza nik behar nuke
hemen hasteko kantari
Nola urrutitik etorri danai
hala bertakoaei
bihotz bihotzez esate’izutet
arratsaldeon denai
1991ko apirilaren 21ean, Nafarroako Bertsolarien Lagunak elkarteak omenaldi egin zion Etxalekun, Agustin Beloki eta Luzia Goñirekin batera.[3][2]
Erreferentziak aldatu
- ↑ Anjel Aldaz bertsolaria. Nafarkaria, 63. zenbakia, euskaltzaindia.eus (Noiz kontsultatua: 2017-2-18).
- ↑ a b c Diez de Ultzurrun, Enrike. Hiru bertsolari omenduko dituzte gaur Etxalekun. Euskaldunon Egunkaria, 1991ko apirilak 21, berria.eus (Noiz kontsultatua: 2021-12-8).
- ↑ a b c Maia, Jon. Angel Aldaz, Basaburuko karteroa. Bertsolari aldizkaria, 1. zenbakia , issuu.com (Noiz kontsultatua: 2017-2-18).
- ↑ Nafarroako Bertsolari Txapelketa (5. 1963). bdb.bertsozale.eus (Noiz kontsultatua: 2017-2-18).
Kanpo estekak aldatu
- Anjel Aldaz, BDB Bertsolaritzaren datu-basea, bdb.bertsozale.eus
- Mediateka: Anjel Aldazi egindako elkarrizketa. Audioa eta transkribapena, mediateka.eus
Datuak: Q28801920
