Angela Arregi
Angela Arregi Moral (Gasteiz, Araba, 1939 – Barakaldo, Bizkaia, 2006ko uztailaren 20a) bizkaitar moda-diseinatzailea zen.
| Angela Arregi | |
|---|---|
| Bizitza | |
| Jaiotza | Gasteiz, 1939 |
| Herrialdea |  Araba, Euskal Herria |
| Heriotza | Barakaldo, 2006ko uztailaren 20a (66/67 urte) |
| Jarduerak | |
| Jarduerak | moda-jostuna |
Biografia aldatu
Gasteizen jaio baze ere, oso lotua egon zen Bilbori, bertan egin baitzuen bizitzaren zati handi bat. Bost seme-alabaren ama izen zen. Modaren munduan 1969an hasi zen. Urte horretan bertan ireki zuen bere lehen arropa-denda, nahiz eta geroago Estatu guztian zehar hedatu. Makina bat herrialdetara esportatu zituen bere lanak, esaterako, Japonia, Estatu Batuak, Italia, Ingalaterra edota Frantziara. Europako moda-desfilerik garrantzitsuenetan aurkeztu zituen bere lanak; Madrilgo Cibeles pasarela edo ibiltokian “Dedal de Platino” deritzon saria eman zioten 2002an, “Arregui Grupo Empresarial” izeneko proiektuarengatik.
Eusko Jaurlaritzak bere firma erabili zuen 1996an Italian promozionatzeko. Lau urte geroago Espainiako diseinatzaile onena izendatu zuen Cosmopolitan aldizkaran iak, eta, urte berean, larruzko bilduma bat egin zuen El Corte Inglés enpresarentzat.
Beste hainbat diseinatzailek bezala, arropaz gainera, hark sortutako bestelako produktuak ere salgai jarri zituen (emakumeentzako osagarriak eta perfumeak). Bere lanari esker hainbat sari lortu zituen. 1997an, aurrerapauso handia egin zuen modaren munduan, frankiziak ireki baitzituen bere izen-markarekin.
Aitortzak aldatu
- 2000an Espainiako diseinatzaile onena izendatu zuen Cosmopolitan aldizkariak.
- 2002an “Dedal de Platino” deritzon saria eman zioten, “Arregui Grupo Empresarial” izeneko proiektuarengatik.
- 2009an Bilboko udalak Euskal Herriko moda-sortzaileen artean aitzindari izan eta bere bildumak erakusten munduan plazarik plaza ibili zen Angela Arregui Moral diseinatzailea omentzeko Bilboko . Otxarkoaga Auzoko merkatu-plazaren ondoan dagoen plazari diseinatzailarenizena ematea erabaki zuen.[1][2][3][4]
Heriotza aldatu
Gaixotasun luze baten ostean hil zen, 2006ko uztailaren 20an, Barakaldoko Gurutzetako Ospitalean.[5][6]
Erreferentziak aldatu
- ↑ «Bilbaopedia - Arregui, Ángela. Plaza» www.bilbaopedia.info (Noiz kontsultatua: 2023-07-20).
- ↑ (Gaztelaniaz) «Kaletarrak - Plaza Ángela Arregui - Kaletarrak - Podcast en iVoox» iVoox (Noiz kontsultatua: 2023-07-20).
- ↑ ES, FashionNetwork com. «Bilbao dedica una plaza a la diseñadora Ángela Arregui» FashionNetwork.com (Noiz kontsultatua: 2023-07-20).
- ↑ Admin |, Por. (2009-11-04). Angela Arregiren plazaren izena – Asociación de Familias de Otxarkoaga. (Noiz kontsultatua: 2023-07-20).
- ↑ Larrauri, Eva. (2006-07-23). «Ángela Arregui, diseñadora de moda» El País ISSN 1134-6582. (Noiz kontsultatua: 2023-07-20).
- ↑ «Falleció la diseñadora bilbaína Ángela Arregui a los 67 años» El Diario Vasco 2006-07-22 (Noiz kontsultatua: 2023-07-20).
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q12253560
