Ander Mirambell

Ander Mirambell Viñas (Bartzelona, 1983ko otsailaren 17a) skeleton lasterkari kataluniarra da.

Ander Mirambell
Irudi gehiago
Bizitza
Jaiotzako izen-deiturak	Ander Mirambell i Viñas
Jaiotza	Bartzelona, 1983ko otsailaren 17a (41 urte)
Herrialdea	Katalunia
Hezkuntza
Hizkuntzak	katalana gaztelania ingelesa
Jarduerak
Jarduerak	skeleton lasterketaria, skeleton trainer (en) , sports scientist (en) eta sports official (en)
Parte-hartzailea 2010eko Neguko Olinpiar Jokoak (24.) 2014ko Neguko Olinpiar Jokoak (26.) 2018ko Neguko Olinpiar Jokoak (23.) 2022ko Neguko Olinpiar Jokoak (24.)
Pisua	81 kilogramo, 82 kilogramo
Altuera	182 zentimetro
Jasotako sariak	ikusi Bartzelonako ohorezko domina  (2018)
andermirambell.com

Mirambellek hainbat alditan hartu du parte FIBT Munduko Txapelketan eta bere markarik onena gizonezkoen kategorian 27. postuan amaitzea izan da, 2008an eta 2009an lortu zuela.

Vancouverren ospatuko den 2010eko Neguko Olinpiar Jokoetan hartuko du parte sailkatu ondoren.

Bizitza

Ander Mirambell Viñas skeleton izeneko kirolean aritzen den profesionala da. Espainiar gazteak 37 urte ditu orain, 1983ko otsailaren 17an jaio zen Bartzelonan eta 2005etik aritu da lehian skeletonean. Bere debuta neguko Olinpiar Jokoetan egin zuen 27 urte bete berri zituela eta skeleton modalitatean Espainia ordezkatu zuen lehen kirolaria izan zen.

Ander kirolaria izateko jaio dela argi dago. Futbolari gisa hasi zen txikitatik eta RCD Espanyoleko jubenilen B taldera iritsi zen. Futbola alde batera utzi ondoren, atletismoan hasi zen. Atletismoan hainbat sari iribazi zituen, esate baterako, 2005eko Kataluniako txapelketako Heptatloi proban lehen eta bigarren postuak, eta 2001 eta 2002ko Europako klub juniorren txapelketetan 2. postuak. Rennes eta Moskuko kluben Europako bi kopatan ere parte hartu zuen. Horretaz gain, gaur egun, bere aisialdiaren zati handi bat ere kirolak hartzen du. Haren hobby nagusia kirol-ekitaldietara joatea da, batez ere, RCD Espanyol taldearen partidetara. Jokatzen duten lekuan jokatzen dutela Anderrek beti aurkituko du tarte libre bat haientzat.

Bartzelonarrak historia egin du kirol olinpiko hori gure herrialdera inportatzean, zeren, lehenago aipatu bezala, modalitate horretan aritzen den lehen espainiarra da. Mirambell zirkuituko gazteenen artean dago, baina oraindik kilometro asko ditu leraren gainean hobetzeko, kirolean heldutasuna ez baita 34 urte arte lortzen. Anderrek 2010, 2014 eta 2018ko neguko Joko Olinpikoetan parte hartu zuen, ezinezkoa posible dela erakutsiz. Horretaz gain, haren garaipenik handiena Amerikako kopa izan zen (2016an) eta aurten, 2020an, berriz ere lehenengo postuan geratzea lortu du. Garaipen harekin batera, Europan garaipen hura bi aldiz irabazi duen bakarra da.

Oraindik hainbat kirol-amets lortzeko dituela aitortu du Anderrek, baina bidaia honen hasieratik argi izan du bere leloa: “Erortzeko baimena badago, NAHITAEZ altxatu behar da”.

Kanpo estekak

• Datuak: Q1266368
• Multimedia: Ander Mirambell / Q1266368