Anai Arrebak (musika taldea)
Anai Arrebak 2011 urtean Pasaian sortutako rock musikako taldea da.
| Anai Arrebak | |
|---|---|
.jpg) Anai-arrebak kontzertuan, Intxaurrondo kultur etxean (2017-10-26). | |
| Datuak | |
| Jatorria | Pasaia , (Gipuzkoa) |
| Musika mota | Rock |
| Urteak | 2011- |
| Produkzioa | |
| Diskoetxea(k) | Bonberenea Ekintzak |
| Taldekideak | |
| Iñaki Altolagirre “Matxet” Marga Altolagirre The CommAnder Etxarri | |
| Informazio gehigarria | |
| http://anaiarrebak.com/ | |
  | |
Taldea aldatu
Anai Arrebak-eko bost kideek “disco musika errebindikatu, zuri-beltzezko garai hauei kolorea eman, ezintasuna arrakasta bihurtu daitekeela sinistu eta berezkoa duten indarra dantzara bideratzen dute”, Iker Barandiaran kazetariak Anai Arrebak (Bonbereneak, 2012) lehen diskoaren aurkezpen orrian idatzi zuenez.
Iñaki Altolagirre “Matxet” eta Marga Altolagirre dira taldearen sortzaileak eta abeslariak. Jousilouli eta Naizroxa taldeetan aritutakoa da Matxet, eta Marga berriz, aktorea izateaz gain, Trigger Travis eta Toxika! taldeetan aritu zen. Hain zuzen, talde horietan ezagututako musikariekin osatu zuten proiektu berria: Iñigo (Naiz Roxa, baxua), Ander (bateria) eta Ekaitz (gitarra). Anai Arrebak-en goitizenak hartzen dituzte taldekideek: Marga Andereñoa, Kapitan, The Commander, Manulay, Ekaitz Bionikoa…
Maketa bat kaleratu zuten 2011. urtean, konfetiz beteriko gutun batean bilduta, eta kontzertuetan bakarrik banatu zuten. “Ideia onak eta ausartak” jasotzen zituen grabazio hark, Julen Azpitarte kritikoaren arabera. 2012an Arabatakada eta Euskal Herria Zuzenean lehiaketak irabazi zituen boskoteak, eta taldearen oihartzuna azkar hedatu zen. “Beharbada proposamenaren freskotasunak eragin du epaimahakideengan”, zioen Matxetek Gaztezulo aldizkariari emandako elkarrizketa batean. Donostiako Aste Nagusiko eszenatoki nagusian jotzeko aukera izan zuen urte berean.
Anai Arrebak-ek aldaketa ekarri du taldekideen aurreko proiektuekiko, metaleroagoak eta bortitzagoak baitziren haiek guztiak. Rocka eta dantzarako doinuak nahasten dituzten taldeak dituzte erreferentziatzat: The Rapture, LCD Soundsystem, !!!… eta Euskal Herrikoen artean, M-ak aipatzen dute taldekideek —“Barkatu, ama” kantuaren moldaketa grabatu dute Hala Bedi Irratia. 30 urte kolpez kolpe bildumarako (Bonberenea Ekintzak, 2013)—, eta baita Javi Pez donostiarraren 80ko hamarkadako proiektua ere, Parafünk.
2012ko udazkenean Anai Arrebak argitaratu zuen. Barandiaranek horrela laburbildu zuen lehen diskoaren mamia: “Lan honetan post-punk, elektronika, soul, rock, funk, pop eta latinoa aurkituko dituzu besteak beste, baita sintetizadore eta makinitak ere. Ia guztiak balio du abestiek energia, melodia biribilak eta erritmoa erdiesteko. Hala, pistarako hit hauekin, entzulea burua galduta dantzara eramaten dute”.
Diskografia aldatu
- Anai Arrebak (2012, Bonberenea Ekintzak)
- Zorte ona opa dizut (2014, Bonberenea Ekintzak)
- Anai Arrebak (2015, Bonberenea Ekintzak)
Kolaborazioak aldatu
- Hala Bedi irratia 30 urte kolpez kolpe! (2013, Bonberenea Ekintzak)
Erreferentziak aldatu
- Edukiaren zati bat «Anai Arrebak (musika taldea)» artikulutik hartua da. Artikulu hark Jon Eskisabel du egile, eta Creative Commons Aitortu-Partekatu Berdin 3.0 lizentziarekin argitaratu da Badok euskal kantagintzaren atarian.
Kanpo estekak aldatu
Datuak: Q31189063
