Ana Blandiana
Otilia Valeria Coman (Timișoara, 1942ko martxoaren 25a), Ana Blandiana pseudonimoz ezaguna, olerkari, saiakeragile eta ekintzaile errumaniarra da. Blandiana Errumaniako literaturagilerik garrantzitsuenetarikoa da, Nicolae Ceaușescuren erregimen komunista garaian zentsura jazarria.
| Ana Blandiana | |
|---|---|
 (2019) | |
| Bizitza | |
| Jaiotzako izen-deiturak | Otilia Valeria Coman |
| Jaiotza | Timișoara, 1942ko martxoaren 25a (82 urte) (82 urte) |
| Herrialdea |  Errumania |
| Familia | |
| Ezkontidea(k) | Romulus Rusan (en)  (1960 - 2016) |
| Hezkuntza | |
| Heziketa | Babeș-Bolyai University (en) |
| Hizkuntzak | errumaniera estatubatuar ingelesa ingelesa |
| Jarduerak | |
| Jarduerak | poeta, idazlea, kazetaria, saiakeragilea, haur literatura idazlea eta itzultzailea |
| Jasotako sariak | |
| Kidetza | Errumaniar Akademia |
| Izengoitia(k) | Ana Blandiana |
   | |
Biografia aldatu
Bere aita irakasle eta apaiz ortodoxoa izan zen, erregimen komunistak jazarria eta kartzelatua, aske utzi eta gutxira hil zen. Bere amaren jaioterri zen Koman (Transilvania) herritik hartu zuen bere literatur pseudonimo . "Herriaren etsai" izandako baten alaba izateagatik, unibertsitatean ikastea eta Errumanian publikatzea debekatu zitzaion, 1959an aldizkari batean bere lehen poema publikatu ondotik. Kazetari lanak egina da.
1964koa da bere lehen poema liburua, Lehen pertsona plurala. 1982an, Vienako Unibertsitatearen Herder saria jaso zuen bere lan guztiagatik. Erregimen komunista garaian, jazarria eta debekatua izan zen bere herrialdean, baina atzerrian arrakasta nabarmena ukan zuen.
Bere lehen ipuin liburua, Lau urtaroak, 1977koa da. Hurrengoa, Iraganerako Proiektuak (1982a) hamaika kontakizunek osatzen dute. Edgar Allan Poe, Franz Kafka edo Julio Cortázarren ipuinekin konparatuak izan dira.
30 liburutik gora publikatu ditu, gai eta genero desberdinetakoak: poesia, entsegua, narratiba fantastikoa, eleberriak... Bere lana 24 hizkuntzatara itzuli da. PENeko ohorezko presidente da Errumanian eta Europako Poesia Akademiako, Mallarmé Pesia akademiako eta UNESCOren Munduko Poesia akademiako kide da
Datuak: Q237033
Multimedia: Ana Blandiana / Q237033
