Amaia Arrazola
Amaia Arrazola (Gasteiz, 1984ko apirilaren 18a) ilustratzailea eta sortzailea da.
| Amaia Arrazola | |
|---|---|
 | |
| Bizitza | |
| Jaiotza | Gasteiz, 1984ko apirilaren 18a (39 urte) |
| Herrialdea |  Araba, Euskal Herria |
| Hezkuntza | |
| Heziketa | Madrilgo Complutense Unibertsitatea : publizitate |
| Hizkuntzak | gaztelania |
| Jarduerak | |
| Jarduerak | ilustratzailea eta artista bisuala |
| amaiaarrazola.com | |
Publizitatea ikasi zuen Madrilgo Unibertsitate Konplutentsean, eta Madrilgo publizitate-agentzia batean egin zuen lan arte-zuzendari eta ilustratzaile gisa. Urte batzuen buruan, Bartzelonara aldatu zen, publizitate-lanetik aldendu eta ilustratzaile aritzeko asmoz. Ordutik, freelance ilustratzailea da, eta hainbat marka eta erakunderekin egin du lan (Uniqlo, Nike, Bartzelonako Unibertsitatea, Bartzelonako Udala, Bizkaiko Foru Aldundia[1]). Halaber, hainbat libururen egilea da.[2]
Wabi Sabi liburua inflexio-puntu bat izan zen bere ibilbidean. Ordura arte, beste batzuen testuak edo bestelako proiektuak ilustratzen zituen; kasu horretan, baina, bai irudiak eta bai testuak bereak dira. 2020an, beste liburu bat ontzen ari da; El meteorito du izena, eta berak amatasuna nola bizi duen kontatuko du bertan.
Euskarri ugaritan egin ditu lanak, hala nola tabako-paketeetan, hormetan, plateretan, surf-oholetan, tarot-kartetan...[3]
Argitalpenak aldatu
Bakarkako lanak aldatu
- Wabi Sabi (2018, Lunwerg). Japonian, Paradise Air egoitzan (Matsudo hiria), hilabeteko egonaldia egin zuen beka bati esker,[4] eta han egin zuen Amaia was here Japon proiektuko ilustrazioetatik abiatuta sortu zuen liburu hau.
- El meteorito (2020, Lunwerg).[5]
Argitalpenetarako ilustrazioak aldatu
- Corazón robot (2014, Stendhal Books). Iñaki Oliverrek idatzi eta Arrazolak ilustratutako lana.
- Cosas que nunca olvidarás de tu Erasmus (2014, Lunwerg). Raquel Piñeirok idatzi eta Arrazolak ilustratutako lana.
- Pequeña y grande: Audrey Hepburn (2015, Alba). Audrey Hepburnen biografia ilustratu bat da; Isabel Sánchez Vergarak idatzi eta Arrazolak ilustratutako lana.
- Pequeños grandes gestos en el deporte (2015, Alba). Francisco Llorcak idatzia eta Arrazolak ilustratua.
- Patioan (2015, Elkar). Arrate Egañak idatzia eta Arrazolak ilustratua.
- Sin bragas en el cajón (2015, Bridge). Isabel Sánchez Vergarak idatzi eta Arrazolak ilustratutako lana.
- El futuro es femenino (2018, Nube de Tinta). Sara Canok idatzitako testuarentzako ilustrazioak. Beste ilustratzaile batzuen lanak ere badaude: Agustina Guerrero, Ana Santos, Naranjalidad, Lady Desidia, Laura Agustí, Elena Pancorbo eta María Hesse.
Estiloa aldatu
Arrazolaren arabera, estiloa zera da: "buruan duzunaren eta zure eskuak uzten duzunaren batura".[6] Hori gorabehera, zuri-beltzak ohikoak dira bere lanetan, eta beti egoten da kolore ukituren bat. Bestalde, bere irudietan ohikoak dira emakumezkoak, animaliak, adarbakarrak eta loreak, besteak beste.
Erreferentziak aldatu
- ↑ «’Ez naiz zurea, nirea baizik’, indarkeria matxistaren kontrako sentsibilizazio kanpaina - Área de prensa - Bizkaia.eus» web.bizkaia.eus (Noiz kontsultatua: 2020-07-14).
- ↑ (Gaztelaniaz) «Amaia Arrazola | Planeta de Libros» PlanetadeLibros (Noiz kontsultatua: 2020-07-14).
- ↑ «Amaia Arrazola - Portfolio» www.amaiaarrazola.com (Noiz kontsultatua: 2020-07-14).
- ↑ Arrazola, Amaia. (2017-02-21). «Amaia Arrazola blog: Amaia was here (again!)» Amaia Arrazola blog (Noiz kontsultatua: 2020-07-14).
- ↑ «"Amatasunak belarrondoko bat eman zidalako sortu nuen liburua"» Argia (Noiz kontsultatua: 2021-11-12).
- ↑ (Gaztelaniaz) «Amaia Arrazola: «El estilo es lo que tienes en la cabeza más lo que te permite tu mano»» Yorokobu 2018-01-10 (Noiz kontsultatua: 2020-07-16).
Kanpo estekak aldatu
- Amaia Arrazolaren webgune pertsonala.
- Amaia Arrazola, Instagramen.
- Amaia Arrazolaren bloga.
- Gasteizen egin zuen horma-irudi bati buruzko albistea, Berrian.
Datuak: Q97463702
