Altare della Patria

Altare della Patria (euskaraz Aberriaren aldarea) Erromako Venezia enparantzan dagoen monumentua da. Viktor Emanuel II.a Italiakoaren omenez eraiki zenez Monumento Nazionale a Vittorio Emanuele II edo Il Vittoriano ezizenak ere hartzen ditu.

Altare della Patria
Monumento Nazionale a Vittorio Emanuele II
National symbols of Italy [[]]
Irudi gehiago
Kokapena
Herrialdea	Italia
Italiako eskualdeak	Lazio
Italiako hiri metropolitarra	Erromako hiri metropolitarra
Muga-hiri	Erroma
Erromako Rioniak	Pigna
Koordenatuak	41°53′41″N 12°28′59″E
Historia eta erabilera
Irekiera	II. milurtekoa
Inaugurazioa	1911ko ekainaren 4a
Jabea	Ministry of Culture (en)
Arkitektura
Arkitektoa	Giuseppe Sacconi
Materiala(k)	Trabertinoa eta haitzurdina
Estiloa	Arkitektura neoklasikoa Arkitektura eklektikoa
Dimentsioak	81 () m
Azalera	1.000 m²
1
Ondarea
Objetu kopurua	100 item (en)
Bisitariak urtean	1.683.070
Kontaktua
Helbidea	Piazza Venezia 6, 00187 Roma
E-posta	mailto:pm-laz.vittoriano@beniculturali.it
Telefonoa	tel:+39-06-678-3588
Webgune ofiziala

Historia

Italia bateratu zuenean Viktor Emanuel II.a Italiako errege bihurtu zen. 1871 urtean Erroma herrialdeko hiriburu izendatua izan zen eta erregea goraipatzeko monumentu handi bat egitea bproposatu zuten hiriaren erdian, Kapitolino muinoan. Erromako eraikin handiena da eta berau eraikitzeko Erdi Aroko kale eta etxeak bota behar izan ziren eta honek polemika handia sortu zuen.

Giuseppe Sacconi arkitektuak diseinatu zuen egitura eklektiko hau eta 1911 urtean inauguratu bazen ere lanak 1925 arte luzatu ziren. 1921 urtean gudari ezezagunaren hilobia inauguratu zen. Horretarako Lehen Mundu Gerran hildako soldadu identifikatugabe baten gorpua hobiratu zuten. Bertan inoiz itzaltzen ez den su garra dago.

Deskribapena

Zutabe korintiarrak, iturriak, eskailera zabalak... eta eraikinaren aurrean Viktor Emanuelen eskultura dago zaldi baten gainean. Eraikinaren albo banatako sabaian kuadriga bana gidatzen duten Garaipena jainkosaren eskulturak daude.

Eraikin osoak 135 metrotako zabalera eta 70 metrotako altuera ditu, koadrigak kontutan hartuta 81 metrotako altuerara iristen da. Guztira 17.000 metro koadroko azalera hartzen du.

Eraikinaren oinarrian Italiaren bateratzearen museoa dago.

Iruditegia

• 
  Altare della Patria.
• 
  Zutabe korintiarrak.
• 
  Viktor Emanuel II.aren estatua.
• 
  Kuadriga.
• 
  Gudari galduaren hilobia.

Kanpo estekak

• Datuak: Q506234
• Multimedia: Vittoriano (Rome) / Q506234