Ireki menu nagusia
Almendrondoetako harrespila
Harrespilaren faseak.

Almendrondoetako harrespila (portugesez: Cromeleque dos Almendres) Évora hiritik gertu dagoen harrespil ezaguna da. Iberiar penintsulako menhir multzo handiena da eta Europako handienetakoa.

Eduki-taula

KokapenaAldatu

Evoratik 15 kilometro mendebaldera dago, Nossa Senhora de Guadalupe parrokian. Monfurado mendizerrako maldan kokaturik dago, nekazal eremuan eta artelatz basoen artean.

HistoriaAldatu

K.a. 6000 urtean altxatu baziren ere 1966 arte ez ziren aurkitu. Henrique Leonor Pina izan zen aurkitzailea eta indusketak aurrera eraman zituena. Hainbat garaitako harri multzoak daude, Almendres I (K.a. 6000 urtekoa), Almendres II (K.a. 5000) eta Almendres III (K.a. 4000). Hainbat harrik marraturiko irudiak dituzte.

EgituraAldatu

Egitura zirkularrak osatzen dituzten granitozko 95 menhirrek osatzen dute.

  • Almendres I: bi zirkulo kontzentriko txiki osatzen zituzten.
  • Almendres II: bi elipse kontzentriko handi osatzen zituzten. Menhir altuenak bertan daude.
  • Almendres III: aurreko egiturek hainbat aldaketa izan zituzten.

IruditegiaAldatu

Wikimedia Commonsen badira fitxategi gehiago, gai hau dutenak: Almendrondoetako harrespila