Alde Zaharra (Zarautz)
Zarauzko Alde Zaharra Zarauzko (Gipuzkoa) mendebaldean dagoen auzoa da, herriko erdigunea eta zerbitzu gehien eskaintzen duena. Bertan udaletxeaz gain, tren geltokia, autobus geltokiak, azoka, Modelo zinema aretoa, tabernak, komertzioak eta banketxeak daude besteak beste.
| Alde Zaharra | |
|---|---|
 Euskal Herria | |
 Portu jauregia, Zarauzko udaletxea. | |
 | |
| Kokapena | |
| Herrialdea |  Gipuzkoa |
| Udalerria | Zarautz |
| Administrazioa | |
| Posta kodea | |
| Geografia | |
| Koordenatuak | 43°17′10″N 2°10′36″W / 43.2861°N 2.1766°W |
| Demografia | |
Kaletegia aldatu
Ardatz garrantzitsa da San Frantzisko kalea, Santa Klara komentutik Nafarroa kaleraino. Honen perpendikularrak dira Kale nagusia, Gipuzkoaren jarraipena, eta Zigordia kalea. Lege Zaharren plaza (udaletxekoa), Musika plaza, Munoa plaza eta Torre Luzearen parkea topagune nagusiak dira.
Aipatzekoak dira halaber Ipar, Trinidade eta Azara kaleak erdigunean, Herriko Barra hegoaldean Alde Zaharra inguraturik.
Ondasun nabarmenak aldatu
Zarauzko Alde Zaharreko multzo historikoak Bien de Interés Cultural izendapena du 1994tik. Bertan badira hainbat eraikin babes ezberdina jaso dutenak Eusko Jaurlaritza edo Espainiako Kultura Ministerioaren aldetik.
- Makatzaga jauregia
- Narros jauregia
- Santa Klara komentua
- Santa Maria Erreginaren parrokia
- Torre Luzea
- Zarauzko dorrea
Portu jauregia aldatu
Portu jauregia edo Zarauzko udaletxea XVII. mendeko eraikin barrokoa da.
Frantziskotarren komentua aldatu
Dotorekoa etxea aldatu
Juan Ortiz Zarauzkoak eraiki zuen, Castro Urdialesko korregidore zenean. Zarautz familiaren armarria ikus daiteke bertan[1]. Gaur egun Laboral Kutxaren bulegoa dago.
Modelo Zinema aldatu
Elipse itxurako eraikin konplexua da, eklektizismoaren erakusgarri. Eusko Jaurlaritzak ondare gisa sailkatua du.[2] "Cine Modelo" 1948an eraiki zuten eta, XXI. mendean urteak itxita egon ostean, 2012an berriro martxan ipini zuen Udalak. Musika plazatik gertu dago kokatuta, Zigordia eta Azara kaleek bat egiten duten ingurunean. Modelo aretoa zinema, musika, antzerkia, hitzaldiak eta bestelako emanaldiak egiteko gune nagusia da herrian. 2018an berriztatze lanei ekin zieten, eraiki eta 70 urtetara.
Herriko merkatua aldatu
Barazki, baserriko produktuak, arrain eta haragia saltzeko azoka XX. mendearen hasierakoa da eta Ramón Cortázarrek eraiki zuen, 1903an zehatz-mehatz. Kale Nagusia eta Zigordia kalearen artean dago kokaturik, bien arteko pasabide batek lotzen dituelarik, alde batean Foruen plaza eta bestean Dorre Luzeako parkea egonda. Elikaduren salmentez gain erakusketak egiteko toki moduan atonduta dago halaber.
Ikus, gainera aldatu
| Euskarazko Wikipedian bada atari bat, gai hau duena: Gipuzkoa |
Erreferentziak aldatu
- ↑ Dotorekoa etxea. Eusko Jaurlaritza - Gobierno Vasco (Noiz kontsultatua: 2017-09-05).
- ↑ Modelo Zinema. Eusko Jaurlaritza - Gobierno Vasco (Noiz kontsultatua: 2017-09-05).
Kanpo estekak aldatu
Datuak: Q12253124
Multimedia: Alde Zaharra (Zarautz) / Q12253124
