Alberto Fernández Blanco

Alberto Fernández Blanco (Cuena, 1955eko urtarrilaren 15a - Pardilla, 1984ko abenduaren 14a), El Galleta goitizenez ezaguna, txirrindulari espainiarra izan zen, profesionala 1978 eta 1984 artean, denbora horretan 30 garaipen lortu zituelarik.

Alberto Fernández Blanco
Bizitza
Jaiotza	Cuena (en) , 1955eko urtarrilaren 15a
Herrialdea	Espainia
Heriotza	Pardilla, 1984ko abenduaren 14a (29 urte)
Heriotza modua	istripuzko heriotza: auto istripua
Jarduerak
Jarduerak	txirrindularia
Ibilbidea
Taldeak	Urteak
Teka	1980-1982
Novostil-Helios (en)	1978-1978
Amaya Seguros (en)	1979-1979
Amaya Seguros (en)	1983-1984
Parte-hartzailea Espainiako Vuelta 1984 UCI Road World Rankings (en) (18.)

Biografia

Kantabriako Cuena herrian jaio arren, bere familia Aguilar de Campoon (Palentzia) birkokatu zen haurtzarotik, non txirrindulari bezala trebatu zen. Jubenil mailan, 1973ko Arrateko Igoera irabazi zuen eta , Bilboko S.V.AC. taldera pasa zen, hurrengo urtean. Urte ona izan zen eta 5 garaipen lortu zituen. Hauetako bat Bizkaiko Erlojupeko Txapelketa izan zelarik. Amateur garaian, Alberto Fernández Espainiako mendiko txapelduna izan zen.

Profesional bezala, zenbait garaipen lortu zituen etapakako lasterketa laburretan, Euskal Herriko Itzulia, Kataluniako Volta, eta Asturiasko Itzulia, besteak beste. Etapa garaipenak lortu zituen Espainiako Vueltan eta Italiako Giroan.

1982ko Frantziako Tourrean 10. sailkatu zen, hau bere Tourrik hoberena izan zelarik. 1983ko Italiako Giroan, 3. izan zen, parte hartu zuen lehen urtean. 1983ko Espainiako Vueltan ere 3. izan zen eta 1984an 2. sailkatu zen.

1984ko abenduaren 14an hil zen auto istripuan, non bere emazte Inmaculada Sáinz Cossio ere hil zen, Pardilla udalerrian, Aranda de Duero (Burgos) inguruan. Hurrengo egunean lurperatu zuten Aguilar de Campooko hilerrian, bere taldekide gehienen laguntzarekin. 1980ko hamarkadako espainiar txirrindularitzako lau handienetako bat bezala hartzen zen, Pedro Delgado, Angel Arroyo eta Marino Lejarretarekin batera.

El Galleta goitizena Aguilar de Campoon hazi zelako jaso zuen (non galleta lantegi ospetsu batzuk dauden). Ondoren, Santanderren (Kantabria) bizi izan zen. Semeak, Alberto Fernandez Sainz, aitaren pausoak jarraitu eta Xacobeo Galicia taldeko txirrindularia izan da.

1985eko Espainiako Itzulian, hil ondorengo omenaldi gisa, Vueltaren antolakuntzak, hortik aurrera, lasterketaren gailurrik gogorrena Alberto Fernández gailurra bezala bataiatzea erabaki zuen, bere omenez.

Palmaresa

1975

• Gorlako Igoera

1976

• 7. Etorkizuneko Tourrean

1977

• 9. Nafarroako Itzulian

1978

• 2. Meatze Haranetako Itzulian
• 4. Kantabriako Itzulian
• 5. Arrateko Igoeran
• 7. Asturiasko Itzulian
• 8. Setmana Catalanan
• 10. Euskal Herriko Itzulian

1979

• Asturiasko Itzulia
• 3. Samianigoko Klasikoan
• 5. Levanteko Itzulian
• 9. Euskal Herriko Itzulian

1980

• Euskal Herriko Itzulia eta etapa 1
• Meatze Haranetako Itzulia eta etapa 1
• Kantabriako Itzuliko etapa 1
• 6. Alemaniako Itzulian
• 8. Kataluniako Voltan

1981

• Levanteko Itzulia eta etapa 1
• Meatze Haranetako Itzulia eta etapa 1
• Gaztelako Itzulia
• 2. Errioxako Itzulian
• 3. Setmana Catalanan eta etapa 1
• 3. Montjuiceko Igoeran
• 6. Kataluniako Voltan
• 6. Donostia Klasikoan
• 6. Narancoko Igoeran
• 6. Nafarroako Sari Nagusian
• 10. Andaluziako Itzulian

1982

• Kataluniako Volta eta etapa 1
• Euskal Herriko Itzuliko etapa 1
• Burgosko Itzuliko 2 etapa
• Mediterraneoko Tourreko etapa 1
• 3. Andaluziako Itzulian
• 8. Paris-Nizan
• 10. Frantziako Tourrean

1983

• Setmana Catalana eta etapa 1
• Arrateko Igoera
• Gastone Nencini Memoriala
• 3. Italiako Giroan eta 2 etapa
• 3. Espainiako Vueltan eta etapa 1
• 5. Tirreno-Adriatikoan
• 5. Narancoko Igoeran
• 8. Euskal Herriko Itzulian

1984

• 2. Asturiasko Itzulian eta 2 etapa
• 2. Espainiako Vueltan
• Masferrer garaikurra
• 5. Euskal Herriko Itzulian
• 5. Setmana Catalanan

Sailkapen orokorra Itzuli Handietan

Lasterketa		1978	1979	1980	1981	1982	1983	1984
	Italiako Giroa	—	—	—	—	—	3.	19.
	Frantziako Tourra	—	—	25.	21.	10.	—	—
	Espainiako Vuelta	19.	14.	—	—	15.	3.	2.
Munduko txapelketa		—	—	UT	UT	28.	40.	29.

—: ez zuen parte hartu
UT: utzi, ez zuen amaitu

Taldeak

• Novostil-Helios (1978)
• Moliner-Vereco (1979)
• Teka (1980-1982)
• Zor (1983-1984)

Kanpo estekak

• Alberto Fernández Blanco - ProCyclingStats

• Datuak: Q2119369