Albert (aintzira)

Albert Afrikako Aintzira Handietako bat da. Afrikako aintzira handienetatik zazpigarrena da eta mundukoen artetik hogeita hirugarrena.

Albert
Datu orokorrak
Garaiera	619 m
Luzera	160 km
Zabalera	30 km
Azalera	5.270 km²
Sakonera	58 m
Bolumena	132.000 hm³
Eponimoa	Alberto Saxonia-Coburg eta Gothakoa
Geografia
Koordenatuak	1°41′N 30°55′E
Hidrografia
Betebidea	ikusi Nilo ibaia, Victoria aintziratik etorrita
Hustubidea	Nilo ibaia
Arro hidrografikoa	Niloren arroa

Geografia

Albert kontinenteko erdialdean kokatuta dago, Uganda eta Kongoko Errepublika Demokratikoko mugen artean. Albert Rift haraneko aintziren artean iparralderen dagoen aintzira da; 160 kilometroko luzera eta 30 kilometroko zabalera du, eta lekurik sakonena 51 metro sakon da.

Albert aintzira goiko Niloko sistema korapilatsuaren zati bat da. Bere iturri nagusiak Victoria aintziratik etorritako Nilo ibaia eta Edward aintziratik etorritako Semliki ibaia dira. Behin Albert aintzira zeharkatuta, Nilo ibaiak Nilo Menditsua izena du, Sudandik zehar pasatzean.

Bere kostaldean dauden herrixka gutxirenn artean Butiaba eta Pakwach dira nagusiak.

Historia

1864an, Samuel Baker esploratzailea izan zen aintzira ikusi zuen lehenengo europarra, eta, Victoria erreginari berrikitan hil zitzaion senarraren omenez, Albert izena jarri zion. Mobutu Sese Seko Kongoko presidenteak behin-behinekoz bere izena jarri zion lakuari: Mobutu Sese Seko aintzira.

Fauna

Afrikako aintziretan ohikoa den fauna hartzen du, nilotar krokodiloak eta hipopotamoak esate baterako. Hegaztien artean ere aniztasun handia du, pelikanoak, flamenkoak, lertxunak, arrano arrantzaleak, hainbat zikoina espezie...

55 arrain espezie ere deskribatu dira, aipagarriena Niloko perka, bertan baitu jatorria.

Ikus, gainera

• Afrikako Aintzira Handiak
• Afrikako geografia

Kanpo estekak

• Datuak: Q125888
• Multimedia: Lake Albert (Uganda)

1°0′N 30°5′E