Alaia Martin Etxebeste

Bertsolari gipuzkoarra
Alaia Martin» orritik birbideratua)

Alaia Martin Etxebeste (Oiartzun, Gipuzkoa, 1987ko abenduaren 28a) bertsolaria, gidoigilea, kultur sortzailea eta ikus-entzunezko komunikatzailea da.

Alaia Martin Etxebeste

(2020)
Bizitza
Jaiotzako izen-deiturakAlaia Martin Etxebeste
JaiotzaOiartzun1987ko abenduaren 28a (37 urte)
Herrialdea Gipuzkoa, Euskal Herria
Familia
Haurrideak
Hezkuntza
HeziketaEuskal Herriko Unibertsitatea
Ikus-entzunezko komunikazio
La Platako Unibertsitate Nazionala
Hizkuntzakeuskara
gaztelania
Jarduerak
Jarduerakbertsolaria eta gidoilaria

Bizitza

aldatu

Oiartzungo Ugaldetxo auzoan jaio zen. Ama oiartzuarra du, Xeberoeneko Maixux Etxebeste Odriozola, eta aita irundarra, Xabier Martin Sandoval. Sei urte zaharrago den anaia bat du, Jon, bera ere bertsolaria, beste jarduera batzuen artean.

Haurtzaro ikastolan egin zituen oinarrizko ikasketak, aurrez Iturburu Udal haur-eskolatik pasata. Batxilergoa Orereta ikastolan zuen eta unibertsitateko ikasketak, Bilbon eta Argentinan. Ikus-entzunezko Komunikazioan lizentziatua da, zinemagintzan espezializatua.

Bertsolari ibilbidea

aldatu
 
Gipuzkoako bertsolari txapelduna 2024.12.14 (Argazkia Bertsozale Elkartea)

Hamabi urterekin hasi zen bertsotan Haurtzaro ikastolako bertso eskolan. Geroztik, Oiartzungo, Santutxuko eta Ahalduntze bertso eskoletan ibilitakoa da. Oiartzungo Martzelina Bertsozale Elkarteko kide da. Lehen eskolarteko saioa Añorgan egin zuen, Maddi Suarez Korta eta Karmele Mitxelena Etxebeste lagun zituela. Orduz geroztik bertso-plaza asko egina da. 2011ko Gipuzkoako txapelketa nagusia bizitza aldatu zion txapelketa modura gogoratzen du eta ongien sentitu izan den txapelketa, berriz, 2015ekoa dela aitortzen du.[1] 2024ko Gipuzkoako Bertsolari Txapelketa irabazi zuen[2].

Txapelketak

aldatu

Gazte txapelketak

aldatu

Txapelketa nagusiak

aldatu

Bertsolaritzari lotutako bestelako jardunak

aldatu

Gipuzkoako Bertsozale Elkarteko Transmisio atalean irakasle ibilia da[8]

UEU 2021ean Udako Bertso Eskolako irakasleetariko bat izan zen.[9]

Kazetari lanetan

aldatu

2016tik 2020ra Euskadi Irratiko Zubiak programa aurkeztu zuen Artzen Letonarekin batera hasieran, Pantxis Bidartekin ondoren. Saioa Alkaiza eta Lohizune Amatria kolaboratzaileak izan ziren. Programak 2021eko Irratiaren Argia saria jaso zuen.[10]

Halaber, Barrubiak eta Herritmia saioetako gidaritzaz arduratu zen [11] [12] eta 7K aldizkarian, zein irratian iritzi-emaile ibilia da. 2008an desagertutako Xirika[13] gehigarriko elkarrizketatzailea izan zen, bai eta ON eta Gaztezulo aldizkarietako iritzi-emailea ere.

Bestelako sormen lanak

aldatu

Bertsolaritzan zentratua badabil ere, sormenarekin zerikusia duten alor asko lantzea gustatzen zaio: ikus-entzunezkoak, artikulugintza, poemagintza, ipuingintza etab.[14]

Gidoigintzan ibili da Martin telesailean, Sautrelan, Izan egin eragin eta Tximeletak dokumentaletan eta baita irrati saioetan ere.[15]

Abestien letra egilea: Esti eta Mikel Markez, Iker Lauroba, Topagunea 2008, Olatz Salvador, Bizipoza proiektua (Beroa Elkartea)...[16]

Leihoen afasia (Eztena Jaialdia) antzerki-kronika liburuaren egilea da.[17][18]

Bertsoklika. Korriklika saioak bere bertsoaz lagunduta (2019).[19]

Oiartzungo Arte Egunak-eko partaide, Hiru Binaka zirkuituan (2020, 2022).[20]

 
PUF liburua. 2024

Ez Gaude Konforme. 11 Lore. Lurdes Iriondoren omenez Agurtzane Intxaurragak landutako omenaldi ikuskizunean testuen egile eta aurkezle (2020).[21]

Mugmus Kolektiboaren “GARAIZ 60 t.m” ikuskizunaren kale-aldaera prestatu zuen eta bertan parte hartzen du (2021).[22]

Martzelina Lopetegi Olaiz bertsolari oiartzuarrari historian merezi duen lekua emateko proiektuetan dabil, tartean. “Martzelina Lopetegi Olaiz. Edo.” argitalpenean, Karmele Mitxelena eta Iraitz Mateorekin (2023).

"Puf" liburuaren sortzailea. Hiru atalez osatutako galdera liburua da, Alaiak idatzi eta Udane Ansak ilustratua (2024).[23]

Herritar aitortza

aldatu

"Oiartzuar emakumeak udalekuetan" egitasmoaren barruan, bere izena eraman zuen haur talde batek 2018an.[14]

Erreferentziak

aldatu
  1. Zana zalako. .
  2. «da 2024ko Gipuzkoako Bertsolari Txapelketako txapelduna» Berria 2024-12-14 (Noiz kontsultatua: 2024-12-14).
  3. 1985-2020 irabazleen zerrenda. Kultura departamentua.
  4. «Alaia Martin Etxebeste» Bertsolari 2022-12-30 (Noiz kontsultatua: 2023-01-19).
  5. «Alaia Martin — Bertsolari Txapelketa Nagusia 2022» www.bertsozale.eus (Noiz kontsultatua: 2023-01-19).
  6. SL, TAI GABE DIGITALA. (2024-12-14). «Alaia Martinek irabazi du Gipuzkoako Bertsolari Txapelketa» naiz: (Noiz kontsultatua: 2024-12-14).
  7. «Alaia Martin Etxebeste, Ilunbeko finalean» El Diario Vasco 2019-12-13 (Noiz kontsultatua: 2023-01-19).
  8. Elkartea, Xenpelar Dokumentazio Zentroa-Bertsozale. «Alaia Martin - Biografiak - BDB. Bertsolaritzaren datu-basea» bdb.bertsozale.eus (Noiz kontsultatua: 2023-01-19).
  9. «Udako Bertso Eskola. :: ikasi :: Udako Euskal Unibertsitatea» www.ueu.eus (Noiz kontsultatua: 2023-01-19).
  10. «Zubiak | EITB Euskadi Irratia» www.eitb.eus (Noiz kontsultatua: 2023-01-19).
  11. «Barrubiak» www.eitb.eus (Noiz kontsultatua: 2023-01-19).
  12. «Udako programazioaren suziria piztu du Euskadi Irratiak» EITB 2020-06-24 (Noiz kontsultatua: 2023-01-19).
  13. «Atzoko Prentsa Digitala» w390w.gipuzkoa.net (Noiz kontsultatua: 2023-01-19).
  14. a b (Ingelesez) «Oiartzun urtekaria 2019 by Oiartzungo Udala - Issuu» issuu.com (Noiz kontsultatua: 2023-01-19).
  15. r01epd0122e4ed314423e0db04c97a47b5baa317f, r01etpd158aa64558419b9ec5ed77644af02263cda. (2021-08-25). «Getxophoto 2021: 'Getxophoto Por... Alaia Martin eta Imanol Uria'» www.kulturklik.euskadi.eus (Noiz kontsultatua: 2023-01-23).
  16. OLATZ SALVADOR | Ahots hari (ft Rozalén). (Noiz kontsultatua: 2023-01-19).
  17. LEIHOEN AFASIA - ALAIA MARTIN ETXEBESTE - 9788409162659. (Noiz kontsultatua: 2023-01-19).
  18. (Gaztelaniaz) r01epd0122e4ed314423e0db04c97a47b5baa317f,r01etpd158aa64558419b9ec5ed77644af02263cda,r01e00000ff26d465bca470b813ace4356db5b18d,r01e00000ff26d466e5a470b86ed436e63765a17f. (2019-12-26). «Alaia Martin Etxebeste: 'La poesía es una magnífica manera de sacar lo de dentro'» www.kulturklik.euskadi.eus (Noiz kontsultatua: 2023-01-19).
  19. «Bertsoklika: Alaia Martin Etxebeste - TBX.eus» tbx.eus (Noiz kontsultatua: 2023-01-19).
  20. «Oiartzungo 'Arte Egunak' ospatuko dira asteburu honetan» El Diario Vasco 2022-09-07 (Noiz kontsultatua: 2023-01-19).
  21. «Ezpela 50 urte» EITB (Noiz kontsultatua: 2023-01-19).
  22. GARAIZ 60 t.m. - KALE teaserra. (Noiz kontsultatua: 2023-01-19).
  23. «Puf» durangokoazoka.eus (Noiz kontsultatua: 2024-12-09).

Kanpo estekak

aldatu
  • «Alaia Martin» Bertsozale.com webgunea.
  • [1] Oiartzun Urtekaria 2012. Herriko seme-alabak. Jonekin.
  • [2] Aski Prexko udaleko aldizkarian gidoilari eta kazetagintzaz mintzo.
  • [3] Kulturaz elkarrizketa Oiartzungo irratian.
  • [4] Txapelketa aurreko elkarrizketa Berrian.
  • [5] Txapelketa ondorengo elkarrizketa Naiz-en.