Ireki menu nagusia

Aizkorri

Euskal Herriko mendia

Aizkorri Aizkorriko mendilerroko mendietako bat da, Gipuzkoan kokatua, Arabako mugatik hurbil. Nahiz eta mendilerroari izena eman dion, 1.528 metro garai delarik, ez da Aizkorriko mendilerroko garaiena, Atxuri baita, 1.551 metrorekin.

Aizkorri
Aizkorri ekialdera.JPG
Datu orokorrak
Mendirik altuena Aitxuri
Garaiera 1.551 m
Prominentzia 51 m
Geografia
Koordenatuak 42° 57′ 08″ N, 2° 19′ 00″ W / 42.952222222222°N,2.3166666666667°W / 42.952222222222; -2.3166666666667Koordenatuak: 42° 57′ 08″ N, 2° 19′ 00″ W / 42.952222222222°N,2.3166666666667°W / 42.952222222222; -2.3166666666667
Herrialdea Euskal Herria
Mendikatea Aizkorriko mendilerroa
Euskal Herriko arkua
Herrialdea Espainia
Lurraldea Gipuzkoa, Araba eta Nafarroa Garaia
Mendizaletasuna
Ohiko bidea Otsaurtetik, Arantzazutik eta Zegamatik
Luberri Luberri
Geologia
Material nagusia kareharri

Bere haitzezko talaia batean duen baselizarengatik da ezagunagoa Aizkorri Atxuri baino. Baseliza horretan, gurutze bati otoitz egiten zaio. Alegiak dioenez, gurutze hori, hainbatetan Zegamara edo Araiara eraman zuten arren, beti atzera Aizkorrin agertzen zen.

DeskribapenaAldatu

Aizkorriko mendilerroko mendietako bat da Aizkorri, eta 2006. urtetik Aizkorri-Arazko natura parkeko parte da, mendilerro bereko Atxuri, Aketegi, Aitzabal, Arbelaitz eta Iraule mendiekin batera. Hegoaldeko isurialdean Urbiako landak ditu, 1.000 metroko garaieran. Harana, ekialdetik mendebaldera zabaltzen da, Arantzazutik Lizarratera. Urbiako landetan hainbat monumentu megalitiko daude. Kareharrizko harkaitz, pago eta arantzen artean, ardi latxen saldoak ugariak dira. Artzainek bordetan hartzen dute aterpe.

MitologiaAldatu

Sakontzeko, irakurri: «Aizkorri (mitologia)»

Aizkorriko mendilerroa euskal mitologiaren sinesmen eta elezahar askoren kokalekua da. Mariren beraren egoitza nagusienetarikoa da. Marik bi egoitza nagusi ditu mendilerroan: Gaiztozulo Oñati aldean eta Aketegi.

Ibaien sorlekuaAldatu

Bertan jaiotzen dira iparralderantz doazen Oria, Urola eta Arantzazu ibaiak; baita Burunda eta Zadorra ere, hauek hego-ekialdera isurtzen dira.

AbiapuntuakAldatu

Bertara igotzeko biderik ohikoenak Otzaurtetik, Arantzazutik eta Zegamatik abiatzen dira. Arantzazutik abiatuta Urbiako bordara hel daiteke eta hortik tontorreraino iritsi. Araba aldetik, berriz, Zalduondo edo Araia ditugu abiapunturik ohikoenak.

Igarotze-denborakAldatu

  • Arantzazutik (2h 30 m).
  • Otzaurtetik (2h 45 m).
  • Araiatik (3h 45 m).

Kirol probakAldatu

Maiatzaren amaieran Zegama-Aizkorri Mendi Maratoia egiten da, Munduko Koparako puntuagarri dena.

Mendi-aterpeakAldatu

IruditegiaAldatu

Leku interesgarriakAldatu

Ikus, gaineraAldatu

Kanpo estekakAldatu

Euskarazko Wikipedian bada atari bat, gai hau duena:
Euskal Wikiatlasa