Aisha Abdelrahman
Aisha Abdelrahman, izengoitiz Bint al-Shati, (Dumyat, Egipto, 1913ko azaroaren 18a - Kairo, Egipto, 1998ko abenduaren 1a) arabiera idazlea eta literatura irakaslea izan zen.
| Aisha Abdelrahman | |
|---|---|
 | |
| Bizitza | |
| Jaiotza | Damietta, 1913ko azaroaren 18a |
| Herrialdea |  Egipto |
| Heriotza | Kairo, 1998ko abenduaren 1a (85 urte) |
| Heriotza modua | berezko heriotza: miokardio infartu akutua |
| Familia | |
| Ezkontidea(k) | Amīn Khūlī (en)  |
| Hezkuntza | |
| Heziketa | Kairoko Unibertsitatea |
| Hezkuntza-maila | Doktoretza katedraduna masterra |
| Doktorego ikaslea(k) | Sadeq Naihoum (en) |
| Hizkuntzak | arabiera |
| Ikaslea(k) | ikusi
|
| Jarduerak | |
| Jarduerak | idazlea, poeta, mufassir (en) , saiakeragilea, kazetaria eta akademikoa |
| Enplegatzailea(k) | Al-Qarawiyyin Unibertsitatea Ain Shams University (en) (1962 - 1970) |
| Jasotako sariak | ikusi
|
Bizitza aldatu
Dumyateko Erlijio Institutuko irakaslea zuen aita eta ama berriz analfabetoa zen, baina hari esker sartu zuten Aisha eskolan, eta aitaren iritziaren kontra bazen ere, Mansura hirira bidali zuten ikasketak sakontzera. Ondoren, Kairoko Unibertsitatean ikasi zuen, eta 1939. urtean lortu zuen arabierako graduazioa, eta master-titulua eskuratu zuen 1941ean. Hurrengo urtean Egiptoko Hezkuntza ministerioan sartu zen, baina 1950. urtean doktoregoa eskuratu ondoren arabiar literaturako irakasle gisa hasi zen lanean Ain Shans Unibertsitateko Emakumezkoen Unibertsitate Eskolan.
Irakaslea ez ezik, idazlea ere bazen, ordea. Antzinateko emakume musulmanen biografiak idatzi zituen, adibidez Mahoma profetaren amaren, alargunen eta alaben biografiak, baina ospe handiagoa eman zioten literatura-kritikako lanek, besteak beste Egiptoko landa (1936), Nekazarien arazoa (1938), Arabiar emakume olerkari garaikideak (1963).
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q3502921
Multimedia: Aisha Abd al-Rahman / Q3502921
