Ireki menu nagusia

Ainhoa Zuazua Rubira (Ermua, Bizkaia, 1980) opera eta zarzuela abeslaria da. Sopranoa.

Ainhoa Zuazua
Bizitza
Jaiotza Ermua1980  (38/39 urte)
Herrialdea  Bizkaia, Euskal Herria
Jarduerak
Jarduerak abeslaria
Genero artistikoa opera
zarzuela
Ahots mota sopranoa
Musika instrumentua ahotsa

BiografiaAldatu

Ainhoa Zuazuak jaioterriko Alboka Musika Eskolan hasi zituen musika ikasketak. Ondoren, Durangoko Bartolomé Erzilla kontserbatorioan jarraitu zuen ikasten eta 1998. urtean erdi mailako titulua lortu zuen. Alejandro Zabala eta Victoria de los Ángeles irakasleen eskolak jaso zituen. Madrilgo Escuela Superior de Canto izan zen hurrengo ikastetxea eta handik, 2002an, Vienako Musik Und Darstllendekunst-era jo zuen.

Abeslari ibilbideaAldatu

AtzerrianAldatu

Goi mailako kantu ikasketak amaitu ondoren lanean eta ikasten jarraitu zuen. Hainbat urtez Vienako Rhin operak kontrataturik. Frantzian zehar jira egin zuen Carmen operan abestuz. Jaques Offenbach-en Les Brigands abestuz berriz, Frantzian, Suitzan eta Austrian jardun zuen.

Galiziarekin ere harreman estua izan du eta hainbat aldiz abestu du bertan, besteak beste, Vigon eta Allariz-en Francisco Borja piano-jotzailearen laguntzaz [1] [2] . Santiago de Compostelan aldiz, Rubén Fernández Aguirre piano-jotzailarekin eta Marifé Nogales mezzosopranoarekin. [3] [4].

Santanderren ere izan zen Manuel Garcíaren L'isola disabitata opera abesten, XV. Lirika denboraldiko ekitaldien barruan [5]

Euskal HerrianAldatu

Ermuko Musikaldian 6 ediziotan parte hartu zuen, azkena 2006an. Esplá, Guridi, Bellini, Granados eta Usandizagaren obrak abestu zituen.[6]. 2012an ere jaioterrian izan zen abesten Carlos Imaz piano-jotzailearekin [7]

Bilboko Euskalduna Jauregian Alfredo Krausen Omenezko X. Kontzertuan parte hartu zuen, Vanessa Goikoetxea sopranoarekin eta Andeka Gorrotxategi tenorearekin batera. [8] [9]. Hurrengo urtean Bilboko Arriaga Antzokian Manuel Garcíaren 'L'isola disabitata' operan parte hartu zuen.[10]. Cuartitos del Arriagan Iñaki Encina Oyón, piano-jotzailearen laguntzaz abestu zuen [11]. Bilboko Arriaga antzokian Manuel Fernández Caballerok sortutako El duo de la Africana zarzuelan ere abestu zuen [12]

2015ean Donostiako Kursaal jauregian munduan zehar kantari dabiltzan hainbat abeslari bildu ziren Opus Lírica elkarteak antolatutako emanaldian.[13]. Donostiako Kursaal jauregian Miguel Borrallo madrildar tenorearekin eta Santa Cecilia Orkestra Klasikoarekin laguntzaz Zarzuela Gala Handian parte hartu zuen. Programan Giménez, Moreno-Torroba, Sorozábal, Vives, Soutullo eta Vert, Chapí, Luna, Guerrero eta Fernández Caballeroren lanak zeuden.

2018an, berriro ere Bilboko Arriaga antzokian abestu zuen Frantziako musikako hiru konposatzaile funtsezkori eskainitako errezitaldian: Charles Gounod (Paris, 1818), George Bizet (Paris, 1838) eta Jules Massenet (Saint-Étienne, 1842).[14]

ErreferentziakAldatu

  1. http://xornal.vigo.org/xnnoticia.php?noticia=2726
  2. https://www.lavozdegalicia.es/noticia/ourense/2003/07/30/soprano-ainhoa-zuazua-actuara-allariz/0003_1871952.htm
  3. http://santiagodecompostela.portaldetuciudad.com/es-es/noticias/ainhoa-zuazua-e-marife-nogales-no-terceiro-concerto-de-todo-lirica-santiagodecompostela-006_2_3_281498_68.html
  4. https://www.elcorreogallego.es/opinion/ecg/facetas-todo-lirica/idEdicion-2012-01-07/idNoticia-721627/
  5. https://www.eldiariomontanes.es/20110127/mas-actualidad/cultura/opera-lirica-palacio-festivales-201101271755.html
  6. https://www.elcorreo.com/vizcaya/20091015/guipuzcoa/soprano-ainhoa-zuazua-volvera-20091015.html
  7. https://www.elcorreo.com/vizcaya/v/20121019/guipuzcoa/ainhoa-zuazua-velma-powell-20121019.html
  8. https://www.euskalduna.eus/eu/ekitaldiak/alfredo-krausen-omenezko-x-kontzertua/
  9. https://www.diariovasco.com/v/20101230/bajo-deba/soprano-ainhoa-zuazua-actua-20101230.html
  10. https://www.codalario.com/lisola-disabitata/portada/el-teatro-arriaga-recupera--de-la-mano-de-emilio-sagi--la-opera-lisola-disabitata-de-manuel-garcia_177_2_323_0_1_in.html
  11. http://www.unanocheenlaopera.com/viewtopic.php?t=14390&view=previous
  12. https://www.elcorreo.com/vizcaya/v/20110323/guipuzcoa/ermuarra-ainhoa-zuazua-presenta-20110323.html
  13. https://www.diariovasco.com/culturas/musica/201501/19/voces-vascas-repartidas-mundo-20150119002702-v.html
  14. https://www.eldiario.es/norte/euskadi/Ainhoa-Zuazua-Fernandez-Aguirre-Arriaga_0_739126253.html

Kanpo-loturakAldatu