Agustin Paskual Iturriaga
Agustin Paskual Iturriaga Ugalde (Hernani, 1778ko urtarrilaren 31 - ib., 1851ko martxoaren 30a) gipuzkoar pedagogo eta idazlea izan zen.
| Agustin Paskual Iturriaga | |
|---|---|
| Bizitza | |
| Jaiotza | Hernani, 1778ko urtarrilaren 31 |
| Herrialdea |  Gipuzkoa, Euskal Herria |
| Heriotza | Hernani, 1851ko martxoaren 30a (73 urte) |
| Hezkuntza | |
| Heziketa | Sancti Spiritus Unibertsitatea |
| Hizkuntzak | gaztelania euskara |
| Jarduerak | |
| Jarduerak | idazlea, politikaria eta pedagogoa |
 | |
Bizitza aldatu
Andoaingo Apaizgaitegian eta Oñatiko Unibertsitatean egin zituen apaiz-ikasketak. 1817. urtean Hernanin eskola bat zabaltzeko baimena lortu ondoren, elkarte bat eratu zuen Cayetano anaiarekin eta garai hartan Gipuzkoako musikaririk onenetakoa zen Manuel Larrarterekin batera. Gramatika (latina, gaztelania, frantsesa) eta kristau-dotrina irakasten zituen Iturriagak. Pedagogiari dagokionez, zigor fisikoak kendu zituen eskolan. 1839an, Gerra Karlista amaitutakoan, Lapurdiko Milafrangan jarri zen bizitzen, eta bertan idatzi zituen bere Alegiak euskaraz. Berriro Hernanira itzulita, Arte de aprender a hablar la lengua castellana para el uso de las escuelas de primeras letras de Guipúzcoa obra eman zuen argitara (1841). Handik urtebetera plazaratu zituen Diálogos bascocastellanos para las escuelas de primeras letras de Guipúzcoa (Bonaparte printzeak beste euskalkietako itzulpenekin argitaratu zuena, eta 1963an Jolasak izenburupean berriro argitaratua) eta Fábulas y otras composiciones en verso bascongado, dialecto guipuzcoano, con un diccionario basco-castellano de las voces que son diferentes en los diversos dialectos (1884. urtean Ipuiac eta beste moldaera batzuec izenburupean berriro argitaratua) obrak.
Iturriagarenak dira San Ignazioren martxa izeneko ereserkiaren hitzak.
Lanak aldatu
Narrazioa aldatu
Bertsoa aldatu
- Alegiak (1990, Gero)
- Fábulas y otras composiciones en verso bascongado, dialecto guipuzcoano, con un diccionario basco-castellano de las voces que son diferentes en los diversos dialectos (1842)
Didaktika aldatu
- Arte de aprender a hablar la lengua castellana. Para el uso de las escuelas de primeras letras de Guipúzcoa (1841).
- Diálogos basco-castellanos para las escuelas de primeras letras de Guipúzcoa (1842)
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak aldatu
| Wikitekan badira testuak, gai hau dutenak: Otsoa eta artzanora, Paskualen ipuina |
- Agustin Paskual Iturriaga literaturaren zubitegian
- Agustin Paskual Iturriaga Auñamendi entziklopedian
- Agustin Paskual Iturriaga, Bidegileak bilduma
Datuak: Q12252871
Jatorrizko testuak: Egilea:Agustin Paskual
