Agnes Block

Herbeheretako botanikoa eta arte bildumatzailea (1629-1704)

Agnes Block, Agneta Block izenaz ere ezaguna (1629ko urriaren 29a, Emmerich am Rhein - 1704ko apirilaren 20a, Amsterdam) Herbeheretako menonita, arte bildumagile eta hortikultorea izan zen. Berarentzat lan egin zuten marrazkilari ospetsuen lore eta intsektuen margolanekin bildutako album sorta bat gordetzeagatik ezaguna da.

Agnes Block
Agneta Blok - Flora Batava 1700.jpg
Bizitza
JaiotzaEmmerich am Rhein1629ko urriaren 29a
Herrialdea Herbehereak
HeriotzaAmsterdam1704ko apirilaren 20a (74 urte)
Familia
Ezkontidea(k)Sijbrand de Flines (en) Itzuli  (1674ko irailaren 9a -
Hezkuntza
Hizkuntzaknederlandera
Jarduerak
Jarduerakhortikultorea, botanika ilustratzailea, margolaria, botanikaria eta arte bildumagilea
Sinesmenak eta ideologia
ErlijioaAnabaptismoa

Bizitza eta lanaAldatu

 
Agnes Block eta bere lorategia "Flora Batava" lorategia Vijverhof-en, Jan Weenixek egina.

Agneta Block menonitar ehungintza merkatari oparoaren alaba zen. Hans de Wolff (1613-1670) zetazko merkatariarekin ezkondu zen Amsterdamen 1649an, eta alargundu ondoren, 1674an Sijbrand Flinesekoarekin ezkondu zen berriro (1623-1697). Amsterdamen, Herengracht-en bizi zen, Joost van den Vondel (1587-1679) poeta eta antzerkigile ospetsua bizi zen lekutik gertu, bere etxera ohiko bisitari bihurtu zena.[1] Mayken de Wolffekin ezkondu zen Vondel, Agnesen lehen senarraren aitaren ahizpa zena, eta ostiraletan Block sendiaren etxean jaten zuen. Ziurrenik bere eragin handienetako bat izan zen.[2]

VijverhofAldatu

 
Vijverhof, gaur egun Herbeheretako Ekologia Institutuadago.
 
Dekorazio-girlanda Agnes Block-en erretratu-medailoia gainean duena. J. Roscam-ek zigilatutako txanpon batean oinarrituta. Familiaren armarria dauka atzean.

Lehenengo senarra hil ondoren, Agneta Blockek Loenenen landa etxea erosi zuen Vecht ibaiaren ondoan, eta bitxikeria ugarirekin apaindu zuen, lorategiak barne, landare exotikoz beteak. Akuarelarekin margotzea gustatzen zitzaion, batez ere bere lorategian (hain zuzen ere, Artearen Historiarako Herbeheretako Institutuak artista plastiko eta margolari gisa jasota dauka, nahiz eta bere lanetako bat ere ez zaidun orain arte iritsi).[3] Block-ek bere albumak edertzeko artistak kontratatu zituen. Zoritxarrez, bere bildumak eta lorategiak ez dute iraun gaur egun arte, baina egindako ikerketek bere hiru albumetako jatorrizko orrialde asko aurkitu dituzte geroko bildumetan.

Alida Withoos eta bere anaia Pieter Withoos Vijverhofen bizi zirela, landareak margotzen zituzten Hoorneko artista ugarietako batzuk ziren. Agnes Blocken semeordeak udako etxea zuen Purmerenden, Hoorn ondoan. Hoorneko beste margolari batzuk ziren Johannes Bronkhorst, Herman Henstenburgh eta Alida eta Peter Wihtoosen aitaren laguna zen Otto Marseus van Schrieck.[3]

Vijverhofen bizi ziren eta Agnes Blocken albumetan ekarpenak egin zituzten beste hiri batzuetako margolariak izan ziren: Maria Sibylla Merian, bere alaba Johanna Helena Herolts-Graff, Pieter Holsteyn II, Nicolaas Juweel (Rotterdam, 1639 - Rotterdam, 1704), Jan Moninckx, Maria Moninckx, Herman Saftleven, Rochus van Veen, Marino Benaglia Venetiano eta Nicolaes de Vree.[4]

Agnes Blockek gutunak elkartrukatzen zituen maiz beste hortikultoreekin, esate baterako, Jan Commelinekin.

ErreferentziakAldatu

  1. Agnes Blocken biografia. .
  2. [library.wur.nl/alida/Alida_Frameset/alidaframeset_h3_1.htm Alida Withoos and her work - Digital exhibitions of Bibliotheek Wageningen UR. ].
  3. a b Agnes Block RKD orrian. .
  4. [library.wur.nl/alida/Alida_Frameset/alidaframeset_h3_5.htm L. Missel, ‘Agnes Blok en Vijverhof’, in: Vrouwen in de botanie en kunst. ].

Kanpo estekakAldatu