Agirre Andra Mariren baseliza
Agirre Andra Mariren baseliza Bizkaiko Gorliz udalerrian dagoen baseliza bat da. Izen berdineko Andra Mari edo Agirre auzoan dago, Gandia auzoa eta Plentziaz gain, Gorlizko badia eta Butroe ibaiaren itssoratzea ikus daitezkeen lekuan, itsas mailatik 52 metroko garaieran.
| Agirre Andra Mariren baseliza | |
|---|---|
| Kokapena | |
| Herrialdea |  Euskal Herria |
| Probintzia |  Bizkaia |
| Herria | Gorliz |
| Koordenatuak | 43°24′03″N 2°56′26″W / 43.4009°N 2.9406°W |
 | |
| Historia eta erabilera | |
| Elizbarrutia | Bilboko elizbarrutia |
| Arkitektura | |
Baseliza Edurneko Ama Birjinari sagaratua dago.
Historia aldatu
Jada XI. mendean leku honetantxe bazen baseliza bat. Butroe Etxearen lehenengo eliza izan zen. Haren alboan ontziak itsasotik Plentziako portura gidatzeko suak pizten ziren.XX. mendearen amaieran zaharberritu aurretik, baselizan arrantzaleek egindako hitzemateen ondorioz heuren eskeintzak gordetzen ziren, tarte an miniaturazko itsasontzik .
Eraikina aldatu
Ekaina ekialde-mndebaldeko norantzan dago. Bere oinplanoa 8,15 x 16,30 metrokoa da. Hormak bistako harri-hormaz eginak daude. Zati nagusian bi uretako teilatua du, bai eta behe-teilatua aurreko atarian eta Evangelioko alboan ere. Kanpai-horma harlanduzkoa da eta bi kanpaientzako lekua du. Iparraldean eta mendebaldean dinteldun ateak ditu, hegoaldean bi leiho dinteldun eta mendebaldeko erdigunean, kanpai-hormaren azpian, leiho zirkularra. Zoladura terrazoz egina du. Hormigoizko korua du, burdinezko balaustradaz. Aurraldean honako gaztelaniazko idazkina duen plaka du: «NTRA. SRA. DE AGUIRRE Y DE LAS NIEVES ANDRA-MARI».
Elizkizunak aldatu
Baselizan igandero meza ospatu ohi da. Bataio-harria eta sagrarioa ditu. Urtero, abuztuaren 5an abestutako meza eta erromeria ospatzen dira, bai eta hurbileko egunetan inguruko zelaietan hainbat jaialdi ere. Otsailaren 3an, San Blas Egunez, kordoi eta karameluak bedeinkatu ohi diren meza ospatzen da, usadioaren arabera, eztarria babasten omen dute. Maiatzaren 15an, San Isidro Laborari Egunez, Abeltzainen Anaitasunak baselizan urte osoko bilera ospatu ohi du, eta hilen aldeko meza burutzen da.
Bibliografia aldatu
- Gurutzi Arregi Azpeitia (1987) Ermitas de Bizkaia, II. bilduma, ISBN 84-398-9631-X, 173 eta 174. orr., Bizkaiko Foru Aldundia eta Labayru Insititutua. Bilbo.
- Gorlizko Udala: Leku interesgarriak: Agirre Andra Mariren baseliza
Kanpo estekak aldatu
Datuak: Q16562775
