Adierazle (ekonomia)
(«Adierazle ekonomiko» orritik birbideratua)
Ekonomian, adierazlea koiunturaren alderdi zehatz baten berri ematen duen neurketa bat da, beste batzuekin batera ekonomia orokorraren egoera eta bilakaerari buruz argibideak ematen dituena. Ekonomia-adierazleak dira, esaterako, Barne Produktu Gordina, Kontsumorako Prezioen Indizea, langabezi-tasa eta Industria Produkzioaren Indizea.
Adierazleak eta ziklo ekonomikoa aldatu
Adierazle ekonomikoak ekonomiaren bilakaera, ziklo ekonomikoa alegia, aztertzeko erabil daitezke. Horrela, adierazle hauek bereizten dira:
- adierazle aurrerakorrak, ziklo ekonomikoa aurreratu edo ekonomian gertatuko denaren berri ematen dutenak;
- adierazle atzerakorrak, ekonomian izandako bilakaeraren neurria ematen dutenak;
- adierazle baterakorrak, unean uneko ekonomian gertatzen dena azaltzen dutenak.
Adierazleak eta ekonomia orokorra aldatu
Ekonomia osoaren bilakaerarekin nola lotzen diren aztertuz ere bereiz daitezke adierazle ekonomikoak:
- adierazle proziklikoak, ekonomiaren bilakaeraren norabide berean mugitzen direnak;
- adierazle kontraziklikoak, ekonomiaren bilakaeraren aurkako norabideak aldatzen direnak (adibidez, langabezi tasa: langabezi tasa zenbat eta handiagoa, ekonomia beheraka ari da);
- adierazle aziklikoak, ekonomiaren bilakaera orokorrarekin lotura esturik ez dutenak.
Kanpo estekak aldatu
Datuak: Q1167393
Multimedia: Economic indicators / Q1167393
