Acer griseum
Acer griseum edo Paperezko astigarra astigarren taldeko zuhaitza da. Txinan du jatorria, 1.500 metrotako garaieratik gora hazten da han[1]. Gaur egun munduan zehar aurkitzen da lorategi eta parkeetan.
| Acer griseum | |
|---|---|
 | |
| Iraute egoera | |
 Galzorian (IUCN 3.1) | |
| Sailkapen zientifikoa | |
| Erreinua | Plantae |
| Ordena | Sapindales |
| Familia | Sapindaceae |
| Generoa | Acer |
| Espeziea | Acer griseum |
Deskribapena aldatu
Zuhaitz txikia da, 6-9 metrotako garaiera eta 5-6 metrotako zabalera hartzen ditu[2]. Enborra leuna da, laranja kolorekoa, eta geruza finak askatzen zaizkio, paperaren antzekoak, hortik bere izena. Landareak 3-4 urte dituenean hasten zaio azal zatiak erortzen[1].
Hostoek 2-4 zentimetroko luzera hartzen dute eta hiru lobulu dituzte. Gainaldean berde ilunak dira eta azpialdean urdinxkak. Ertzak horzkatuak dira[1].
Lore hori txikiak korinboetan multzokatzen dira udaberrian eta samara itxurako haziak ematen dituzte. Hazek bi hegal dituzte eta haziak berak zentimetro bateko luzera duen arren, hegalak 3 cm-koak dira[3]. Honi esker haizeak sakabanatzen ditu.
Landaketa aldatu
Txinatik Europara ekarri eta 1901. urtean landatu zen aurreneko aldiz. Ernest Henry Wilson izan zen Europako hainbat hazitegitan landatu zuena. Ipar Amerikara pixka bat beranduago iritsi zen. Apaingarri gisa gehien erabiltzen den astigar mota da, alde batetik azala erortzen zaiolako eta bestetik udazkenean kolore gorri eta laranja biziak ematen dituelako.
Erreferentziak aldatu
- ↑ a b c «ACERACEAE [Draft»] web.archive.org 2006-02-09 (Noiz kontsultatua: 2020-11-04).
- ↑ (Ingelesez) «Paperbark Maple - Acer griseum» www.maple-trees.com (Noiz kontsultatua: 2020-11-04).
- ↑ Rushforth, K.. (1999). Trees of Britain and Europe. Collins ISBN 0-00-220013-9..
Kanpo estekak aldatu
Datuak: Q203985
Multimedia: Acer griseum / Q203985
Espezieak: Acer griseum
