A pesar de todo (filma)

A pesar de todo  Gabriela Tagliavini zuzendari argentinarraren komedia filma bat da. Filma Malagako Zinemaldian estreinatu zen 2019ko martxoaren 16an[1], eta Netflix-ek merkaturatu zuen 2019ko maiatzaren 3an[2]. Macarena García, Belén Cuesta, Blanca Suárez eta Amaia Salamanca aktoresak antzeztu zuten.

A pesar de todo (filma)
Jatorria
Argitaratze-data 2019
Jatorrizko izenburua A pesar de todo
Jatorrizko hizkuntza gaztelania
Jatorrizko herrialdea Espainia
Banatze bidea Eskatu ahalako bideo
Ezaugarriak
Genero artistikoa film komikoa
Iraupena 78 minutu
Zuzendaritza eta gidoia
Zuzendaria(k) Gabriela Tagliavini (en) Itzuli
[[Kategoria:Gabriela Tagliavini (en) Itzuli zuzendutako filmak]]
Gidoigilea(k) Gabriela Tagliavini (en) Itzuli
[[Kategoria:Gabriela Tagliavini (en) Itzuli idatzitako filmak]]
Antzezlea(k)
Blanca Suárez
Rossy de Palma
Amaia Salamanca
Carlos Bardem (en) Itzuli
Macarena García
Marisa Paredes
Emilio Gutiérrez Caba
Belén Cuesta
Joaquín Climent
Juan Diego



[[Kategoria:Carlos Bardem (en) Itzuli antzeztutako filmak]]





Fikzioa
Kontakizunaren tokia Espainia
Kanpo estekak

2019an Netflix-eko plataformak hainbat espainiar film ekoiztu zituen, arrakasta handia lortu zutenak. Hala ere, A pesar de todo filmak ez zuen harrera ona izan kritikarien aurrean[3][4].

SinopsiaAldatu

Oharra: Atal honek istorio osoa edo amaiera argitzen du.

Lucía (Macarena García), Claudia (Belén Cuesta), Sara (Blanca Suárez) eta Sofía (Amaia Salamanca) bizimodu eta pertsonalitate zeharo ezberdinak dituzten lau ahizpak dira. Hauen bizitzak, urte asko igaro ondoren, berriro ere elkartuko dira Madrilen, hil berri den amaren, Carmen (Marisa Paredes), azkenengo agurra ospatzeko.

Carmenek testamentuaren irakurketan grabatuta utzi duen bideo-zintan aitaren egia esaten die bere alabei, hau da, haien aita (Juan Diego) ez dela haiek pentsatzen zuten pertsona berdina.

Herentziaren partea kobratzeko, lau ahizpek elkarrekin lan egin beharko dute bakoitzak bere aitaren benetako identitatea eta jatorria aurkitzeko.

Talde artistikoaAldatu

ZuzendariaAldatu

Gabriela Tagliavini ( Buenos Aires, Argentina, 1968ko abenduaren 29a) zineman aritzen den idazlea, zuzendaria eta gidoigilea da. 1993tik Ameriketako Estatu Batuetan bizi eta lan egiten du[5].

Nerabezaroan literatura-tailerrak egin zituen Argentinan eta Estatu Batuetan. Bere herrialdean, zinema-zuzendaritza ikasi zuen Zinematografiako Goi Eskolan, eta Leonardo Favioren Gatica, el mono, ekoiztetxean lan egin zuen; ondoren, gidoigintzako master bat egin zuen Estatu Batuetako American Film Institute-n. 1993az geroztik CNN telebista-katerako film- eta telesail-gidoiak idazten ditu eta Kaliforniako Unibertsitatean (UCLA) irakasle gisa jarduten du[6].

Film labur eta luze batzuk zuzendu ditu, La mujer que todo hombre quiere (2001), Ladie's Night (2002) -2004ko Bogotáko Zinemaldian izendatu zuten Círculo Precolombino de Oro saria film onenarentzat; 2006an, gidoi onenaren CIFF saria irabazi zuen, Chipreko Nazioarteko Zinemaldian. Hiru MTV[7] sari Irabazi ditu eta beste hiru sarietarako izendatu dute[8].

2005ean, Berlingo Zinemaldiko film laburretarako epaimahaia osatu zuen[9], eta 2006an ABC-DGAren (American Broadcasting Company) eta Estatu Batuetako Zuzendarien Sindikatuaren (AEB) zuzendaritza-beka errentaduna irabazi zuen; horren ondorioz, 36 astetan tutoria errotatiboak jaso zituen DGAko zuzendari ospetsuen eskutik. Bertan, hainbat ikuspuntu eta estilo artistiko eman zituzten telebistarako, eta han Disney Channel-ren ikuskizunetan lan egin zuen, hala nola Hannah Montana eta Amas de casa desesperadas[10]. Gainera, Tagliavinik zuzenean zuzendu zuen ikuskizuna, Comedy Rehab, Comedy Centralerako.

2012an, Federico Andahaziren El anatomista best seller eleberria egokitu zuen HBOrentzat, eta Cantinflas dokumental biografikoaren gidoia egin zuen. 2011n, ¿Y dónde están los hombres? filma zuzendu zuen, James Cañón kolonbiarraren La aldea de las viudas eleberrian oinarritua dagoena. 2012an, bosgarren film luzea zuzendu zuen, La frontera del crimen (Border Run), Sharon Stone eta Billy Zanekoren emanaldiekin[11].

2019ko martxoaren 16an Netflix plataforman estrenaitutako A pesar de todo filma zuzendu zuen, Bambú Producciones ekoiztetxearekin elkarlanean[12][13].

EkoiztetxeakAldatu

Bambú ProduccionesAldatu

Bambú Producciones Espainiako telebistako ekoiztetxea da. 2007an sortu zen Ramón Campos eta Teresa Fernández-Valdés gidoigileen eskutik, kalitate tekniko eta artistikoagatik nabarmentzen diren zinerako eta telebistarako fikziozko proiektuak garatu eta ekoizteko helburuarekin[14].

2012an, Ramón Camposek eta Teresa Fernández-Valdések erronka berri bat hartu zuten beren gain, hau da, fikziozko zigilua emango zion enpresa sortzea: BLOW. Estetika bisual ezberdina eta edukien ikuspegitik arriskutsuagoa den ikus-entzunezko produkzio mota bat sortzeko asmoarekin sortu zuten[15].

Ekoiztetxearen lehen proiektua Guante Blanco izan zen 2008an, TVErentzako egindako polizia-telesaila. Hirugarren kapituluaren harrera txarraren ondoren bertan behera uztea erabaki zuten, eta gainerako atalak RTVEren webgunean ematea. Lehen porrot horren ondoren, bi urte geroago, Bambuk lehen arrakasta handia izango zuen, berriro ere kate publikorako (TVE) ekoiztutako Gran Reserva izeneko telesailarekin[15].

2011an, Bambú ekoiztetxeak Antena3 izeneko telebista katean lekua aurkitu eta arrakasta handiko garaiko telesailak ekoizten hasi zituen bertan. Besteak beste, Hispania, Velvet eta azkenik bere telesail enblematikoenetariko bat, Gran Hotel[16]. Garaiko drama bat polizia-generoarekin nahasten duen telesaila. Talde artistiko ezagun batekin lan egin zuten, besteak beste, Amaia Salamanca, Yon Gonzalez, Concha Velasco eta Lluis Homar. Telesailak harrera handia izan zuen Espainian baita nazioartean ere, Frantzian, Erresuma Batuan edo Mexikon eman zuten[15].

2017ko apirilean, Las chicas del cable Netflix plataformak eta Bambú ekoiztetxeak ko-produkzioan ekoitzitako lehenengo telesail espainiarra da[17].

Bambú ekoiztetxeak, 2020ko udan estrenaitutako El verano que vivimos filma ekoiztu zuen, Carlos Sedes galiziar zinema zuzendariak zuzendutako film dramatikoa[18]. Blanca Suárez eta Javier Rey aktoreak antzeztuta. Ekoiztetxearen azken luzemetraia da.

NetflixAldatu

Netflix Inc. estatubatuar entretenimendu konpainia bat da, posta bidezko DVDak eta internet bidezko streaming zerbitzuak saltzen dituena[19]. 1997anReed Hastings-ek eta Marc Randolph-ek sortu zuten eta  egoitza ngausia Los Gatos-eko herrian (Kalifornian) kokatzen da.

2009rako, 10 milioi harpidedun gainditu zituen, bi urte geroago, 2011tik aurrera, telesaila eta filmak ekoizteari ekin zion eta harpidetza kopuruak gora egin zuen. 2013aren erdialdean, 32milioi harpidedun baino gehiago zeuden Estatu Batuetan, Kanadan, Latinoamerikan, Erresuma Batuan eta Irlandan. Netflix-ek emaitzarik onenak jaso zituen 2013ko azken hiru hilabetean, izan ere, 1.066 milioi dolarretako fakturazioa lortu zuen, % 36,5etako hazkunde batekin. Gaur egun, plataforma honek 75 milioi erabiltzaile baino gehiago ditu, mundu osoan zehar[19].

ErreferentziakAldatu

  1. (Gaztelaniaz) Málaga, La Opinión de. (2019-03-16). «Festival de Málaga 2019 | Presentación de 'A pesar de todo'» La Opinión de Málaga Noiz kontsultatua: 2021-02-28.
  2. (Gaztelaniaz) Palomares, Anabel. (2019-04-24). «Netflix estrena (por fin) el tráiler de “A pesar de todo”, la comedia española con Amaia Salamanca, Blanca Suárez, Macarena García y Belén Cuesta» Trendencias Noiz kontsultatua: 2021-02-28.
  3. (Gaztelaniaz) julio, <img src="https://d9u8u3s4 rocketcdn me/wp-content/uploads/2019/11/Ana-Martinez-1-100x100 jpg" width="50" height="50" alt="Ana Martínez" class="avatar avatar-50 wp-user-avatar wp-user-avatar-50 alignnone photo"/>Por Ana MartínezEn Críticasen 12; lectura0, 20204 Minutos de. (2020-07-12). «A pesar de todo de Netflix: Crítica de la película» Los Interrogantes Noiz kontsultatua: 2021-02-28.
  4. (Gaztelaniaz) «Crítica de 'A pesar de todo'» Fotogramas 2019-04-30 Noiz kontsultatua: 2021-02-28.
  5. (Ingelesez) «Gabriela Tagliavini - Filmografía, Biografía, Fotos | cinenacional.com» cinenacional.com Noiz kontsultatua: 2021-03-02.
  6. (Gaztelaniaz) Gabriela Tagliavini. 2020-05-10 Noiz kontsultatua: 2021-03-02.
  7. www.edlumen.net Noiz kontsultatua: 2021-03-02.
  8. «MTV Movie Awards, Mexico (2004)» IMDb Noiz kontsultatua: 2021-03-02.
  9. (Ingelesez) «Juries 2005» www.berlinale.de Noiz kontsultatua: 2021-03-02.
  10. «Breaking News - Disney/ABC Writing and Directing Programs Reach Milestone with More Than 200 Participants to Date | TheFutonCritic.com» www.thefutoncritic.com Noiz kontsultatua: 2021-03-02.
  11. (Ingelesez) «Border Run (2012)» Covering Media Noiz kontsultatua: 2021-03-02.
  12. noticine.com Noiz kontsultatua: 2021-03-02.
  13. (Gaztelaniaz) «Gabriela Tagliavini: "Nunca imaginé que iba a dirigir 7 películas"» www.goldenglobes.com Noiz kontsultatua: 2021-03-02.
  14. (Gaztelaniaz) «BAMBÚ PRODUCCIONES · Television · Cine · Documentales» bambuproducciones Noiz kontsultatua: 2021-03-02.
  15. a b c (Gaztelaniaz) Bambú Producciones. 2021-02-13 Noiz kontsultatua: 2021-03-02.
  16. (Gaztelaniaz) «Bambú Producciones - Productora TV» FormulaTV Noiz kontsultatua: 2021-03-02.
  17. Las chicas del cable. 2020-10-24 Noiz kontsultatua: 2021-03-02.
  18. El verano que vivimos. 2020-11-29 Noiz kontsultatua: 2021-03-02.
  19. a b Netflix. 2020-10-29 Noiz kontsultatua: 2021-02-28.

Kanpo estekakAldatu