A Pobra do Caramiñal

A Pobra do Caramiñal Galiziako A Coruñako probintzia dagoen udalerria da. Barbanzako Eskualdean dago. Iparraldetik Boirorekin mugatzen du, hegoaldetik Ribeirarekin eta mendebaldetik Porto do Sonekin. Ipar-mendebaldetik Arousako itsasadarra du. Bertako herritarren deitura galizieraz Pobrense da, euskaraz berriz Pobretar. Herriko galiziera hiztunen kopurua %97.13koa da.

A Pobra do Caramiñal
Galiziako udalerrien zerrenda
Pobra GDFL 0507 014.JPG
ETM Pobra do Caramiñal.PNG Pobra do Caramiñal.svg
Administrazioa
Estatu burujabe Espainia
Autonomia Galizia
ProbintziaCoruñako probintzia
AlkateaIsaac Ventura Maceiras Rivas (en) Itzuli
Izen ofizialaPobra do Caramiñal, A
A Pobra do Caramiñal
Posta kodea15940
INEk ezarritako kodea15067
HerriburuaQ20544901 Itzuli
Geografia
Koordenatuak42°36′00″N 8°56′00″W / 42.6°N 8.9333333333333°W / 42.6; -8.9333333333333Koordenatuak: 42°36′00″N 8°56′00″W / 42.6°N 8.9333333333333°W / 42.6; -8.9333333333333
Situacion A Pobra do Caramiñal.PNG
Azalera34 km²
Altuera0 m
Demografia
Biztanleria9.318 (2020)
Red Arrow Down.svg−20 (2019)
alt_left 4.775 (%51.2)4.563 (%49) alt_right
Dentsitatea274,06 bizt/km²
Informazio gehigarria
Ordu eremuaUTC+01:00
MatrikulaC
apobra.com

KokapenaAldatu

Pobra do Caramiñaleko udalerria Barbanzako penintsulan dago, bere kostaldea Arousako itsasadarreko urek bustitzen dute. A Pobra lehen aipatutako itsasadarra eta Curota mendiaren artean dago (Barbanzako mendikateko garaienetako bat, 541 m.) eta Ribeira, Boiro eta Porto do Son udalerriekin mugatzen du. Udalerriak bost parrokia ditu: Santa María La Antigua del Caramiñal, Santiago del Deán (Castelo), Santa Cruz de Lesón, Santa María do Xobre eta San Isidro de Posmarcos.

HistoriaAldatu

A Pobra do Caramiñal 1822an sortu zen, berta bi herriguneen arteko elkarketatik: : Vila del Caramiñal (Pargako Markesaren Jaurerriaren jabegoa) eta A Pobra do Deán (Santiagoko Deánaren Jaurerriaren jabegoa). Elkarketa honetatik gaur egungo herrigunea eta bere elizak kontserbatzen dira: Caramiñaleko Antiguako Santa Mariaren Eliza eta Deángo Santiagoren Eliza. XIX. mendearen hasieran oparotasun ekonomiko garai bat nabarmendu zen, gaziketa lantegien ondorioz, eta XX. mendeko 20. hamarkadarte luzatuko zen, sardinaren amaitzearekin lantegi gehienak desagertu zirenean. Gaur egun A Pobran bi kontserbagile lantegi gelditzen dira.

JaiakAldatu

Udalerri honetako festa edo jai nagusiak Carmen dos Pincheirosekoa da (normalean abuztuko hirugarren igandean ospatu ohi da) eta Nazaretarrarena (iraileko hirugarren igandea). Nazaretarraren omenezko elizbiratik hilkutxen martxa nabarmentzen da, hau gaisotaunak jasan eta hilzorian egon direnek eskeintzen dute. Ohikoena hilkutxa bere lagunek eramatea da eta eskeintzailea (hilzorian egon dena) ondoan doakie Nazaretar jantzi batekin. Erromeri garrantzitsuenak Moldeseko Amabirjinarena (maiatzeko bigarren asteburua) etal Barbanzako Currorenak dira (uztailean), gainera udaleko parroki bakoitzak bere berezko jaia ere ospatzen du.

BitxikeriakAldatu

Bere monumentuen artean 27 gurutze ("cruceiro") daude, Misarelako Zubia (erromatar galtzada baten arrastoak), Bermúdezko Dorrea (gaur egungo Valle-Inclánen Museoa), edota zenbait jauregi ("pazo"), Aguiarko Etxe Handikoa, Xunqueirasko Dorrea edo Coutoko Jauregia adibide gisa. Arousako itsasadarreko ikuspegi oso bat izateko Curota mendiko behatokira igo beharra dago, aurretik Valle-Incláneko behatokian geldiune bat eginez.

A Pobrak (Bermúdezko Dorrean) Ramón María del Valle-Inclán omenezko museoa du, idazle hau A Pobran bizi izan zen eta gaur egun herrian jarraitzen duten zenbait bizileku izan zituen, baten bat nahiko egoera kaskarrean.

Lombiña-Cabíoko hondartza Europar Batasuneko Bandera Urdina izaten lehenetarikoa izan zen. Bere aldameneko hondartzek ere bandera honen jabe dira; La Barcako hondartza eta La Illako hondartza.

Curotako haranean A Pobra de Caramiñaleko altxor naturaletako bat dago, Pedras ibaiko urmael naturalak, ibaiak harkaitz artean sortzen dituen putzu edo urmaelak. Aintzineko Misarelako komentu inguruko leku batean, Barbanza eta Pedras ibaiek bat egiten duten tokian "erromatar zubia" izenekoa dago.

ParrokiakAldatu

  • Santa María A Antiga do Caramiñal
  • Santiago do Deán (Castelo)
  • Santa Cruz de Lesón
  • Santa María do Xobre
  • Santo Isidro de Posmarcos.

Herritar ezagunakAldatu

IruditegiaAldatu

Kanpo estekakAldatu