2024ko Udako Olinpiar Jokoak

2024ko Udako Olinpiar Jokoak, ofizialki XXXIII Olinpiadako Jokoak bezala ezagutuak, 2024an Paris hirian ospatuko diren Olinpiar Jokoak izango dira, Nazioarteko Olinpiar Batzordeak (ingelesez IOC) usadioa jarraituz antolatuko dituen nazioarteko kirol ospakizuna. Era berean Joko Paralinpikoak ere hiri eta batzorde berdinek antolatuko dituzte. Hirugarren aldia izango da jokoak Parisen ospatzen direla 1900eko eta 1924ko ekitaldien ondoren.

Parisko Udako Olinpiar Jokoak 2024 XXXIII. Olinpiada
Hiria	Paris Frantzia
Hasiera	2024ko abuztuaren 2a
Bukaera	2024ko abuztuaren 18a
Estadioa	Stade de France

Jokoak 2024ko abuztuaren 2tik abuztuaren 18ra izango dira.

Hautaketa

Paris eta Los Angeles ziren 2024ko jokoak antolatzeko hautagai bakarrak. Nazioarteko Olinpiar Batzordeak ezohikoz 2024ko eta 2028ko jokoen antolatzaileak aldi berean hautatzeko proposamena egin zuen 2017an. Proposamen hau onartutakoan, Paris 2024ko jokoetarako hobesten zutela ulertuta, Los Angelesek 2028ko jokoak antolatzeko akordioa egin zuen Nazioarteko Olinpiar Batzordearekin, Paris 2024ko jokoetarako hautagai bakar bezala utziz.

Kirolak

Kirol berri bat gehituko zaio olinpiar programari, breakdancinga. Hurrengo zerrenda behin-behinekoa da, Nazioarteko Olinpiar Batzordeak 2020ko abenduan onartuko du behin-betiko programa.

Arkua (5) Arraunketa (14) Atletismoa (48) Badmintona (5) Bela (10) Belar hockeya (2) Boleibola (4) Areto boleibola (2) Hondartza boleibola (2) Borroka (18) Boxeoa (13) Breakdancinga (2) Eskubaloia (2)

Esgrima (12) Futbola (2) Gimnastika (18) Artistikoa (14) Erritmikoa (2) Tranpolina (2) Golfa (2) Halterofilia (14) Hipika (6) Judoa (15) Kanoa (16) Sprint (12) Slalom (4)

Kirol eskalada (4) Pentatloi garaikidea (2) Ping-ponga (5) Saskibaloia (4) Saskibaloia (2) 3x3 saskibaloia (2) Skateboardinga (4) Surfa (2) Taekwondoa (8) Tenisa (5) Tiroa (15) Triatloia (3)

Txirrindularitza (22) BMX (4) Mountain Bike (2) Pista (12) Errepidea (4) Ur-kirolak (49) Jauziak (8) Igeriketa (37) Igeriketa sinkronizatua (2) Waterpoloa (2) Zazpiko errugbia (2)

Egoitzak

Paris Handiko gunea

• Stade de France: irekiera eta itxiera ekitaldiak, atletismoa
• Seine-Saint-Denis: ur-kirolak (igeriketa, jauziak, igeriketa sinkronizatua)
• Piscine de Marville: waterpoloa
• Le Bourget - Pavillon I: badmintona
• Le Bourget - Pavillon II: boleibola (aretoa)
• Le Bourgeteko Tiro Zelaia: tiroa
• Stade Olympique Yves-du-Manoir, Colombes: belar hockeya
• U Arena, Nanterre: gimnastika (artistikoa, erritmikoa, tranpolina)
• Le Zénith: halterofilia

Paris erdialdeko gunea

• Marteren Zelaia: boleibola (hondartza)
• Eiffel dorrea eta Sena ibaia: igeriketa (maratoia), triatloia
• Eliseo Zelaien hiribidea: txirrindularitza (errepidea)
• Grand Palais: esgrima, taekwondoa
• Hôtel des Invalides: arkua
• Tuileriak: skateboardinga
• Paris expo Porte de Versailles: kirol eskalada
• Halle Georges Carpentier: ping-ponga
• Stade Charléty: beisbola, sofbola
• Stade Jean-Bouin: zazpiko errugbia
• Stade Roland Garros: tenisa
  • Court Philippe Chatrier: eskubaloia
  • Court Suzanne Lenglen: boxeoa
  • Court des Serres: karatea
  • gainontzeko kantxak: tenisa
• Parc des Princes: futbola
• Stade Pierre de Coubertin: eskubaloia
• Palais des sports Marcel-Cerdan: saskibaloia
• Paris Arena: judoa, saskibaloia

Versaillesko gunea

• Le Golf National: golfa
• Vélodrome de Saint-Quentin-en-Yvelines: txirrindularitza (pista, BMX), pentatloi modernoa (esgrima)
• Versaillesko jauregia: hipika, pentatloi modernoa (hipika)
• Élancourteko mendixka: txirrindularitza (mountain bike)

Banakako egoitzak

• Vaires-sur-Marne: arraunketa, kanoa
• Marseilla: bela
• Polinesia Frantsesa: surfa

Kirolerako ez diren egoitzak

• L'Île-Saint-Denis: villa olinpikoa
• Le Bourget: nazioarteko prentsa eta hedabideak

Futbol egoitzak

Aukeratzeke

Kanpo estekak

• Nazioarteko Olinpiar Batzordea
• Paris 2024 hiri hautagaia

• Datuak: Q995653
• Multimedia: 2024 Summer Olympics