1969ko Euskal Herriko Itzulia

1969ko Euskal Herriko Itzulia
Datu orokorrak
Lasterketa	9. Euskal Herriko Itzulia
Datak	apirilak 16 – 1969.eko apirilak 20
Herrialdea	Espainia
Irteera-lekua	Eibar
Helduera-lekua	Eibar
Emaitzak
Txapelduna	Jacques Anquetil (BiC)
Txapeldunordea	Francisco Gabika
Hirugarrena	Mariano Díaz (Fagor)
Puntukako sailkapena	Txomin Perurena (Fagor)
Eskalatzailerik onena	Raymond Poulidor (Mercier-BP-Hutchinson)
◀1935	1970▶
Dokumentazioa

1969ko Euskal Herriko Itzulia txirrindularitza lasterketa honen 9. edizioa izan zen. 1969ko apirilak 16 eta 20 artean ospatu zen. 891 kilometro egin ziren 5 etapatan banatuta.

Edizio honetan bi talde espainiarrek (KAS eta Fagor) eta bi talde frantsesek (Bic eta Mercier) parte hartu zuten, 39 parte-hartzailerekin orotara, horietatik proba 36k amaitu zutelarik.

Garailea Jacques Anquetil handia izan zen, profesional bezala bere azken garaipen handia lortu zuena 35 urterekin, erretiratu zen urtean.

Aurreko pausoak

1936 eta 1968 arteko urteak

Azkenik, 1936ko edizioa bertan behera utzi behar izan zen Espainiako Gerra Zibilaren ondorioz, hasieran atzeratzea pentsatu bazen ere, gertatzen ari ziren gertakariekin bertan behera uztea beste erremediorik ez zen geratu.

Gerra Zibila amaitu ondoren eta beronen emaitza kontuan hartuta, txirrindularitza proben egutegitik kendu zen Euskal Herriko Itzulia. Berau jarraitzeko saiakera ugari egon bazen ere, Donostiatik zein Bilbotik, batek ere ez zuen arrakastarik izan.

Denbora horretan beste proba batzuk egon ziren, Iparraldeko Zirkuitua eta Bilboko Udala Sari Nagusia kasu, Euskal Herriko Itzuliaren izpiritua bizirik mantentzen zutena, proba hauek Euskadiko mugetatik kanpo irteten baitziren.

Dena dela, 1952an sortu zen Eibarko Bizikleta, berau benetako Euskal Herriko Itzuli bat bazelarik, bertako etapetan penintsulako euskal lurralde osoa zeharkatzen baitzen. Baina hori bai, behin 1960ko hamarkadaren amaiera iritsitakoan, uneko txirrindularirik hoberenen kontratazioa eta lasterketaren beraren antolakuntzak antolatzaileek aurre egiterik izan ez zuten gehiegizko kostua suposatzen zuten.

Beraz, konponbiderik egokiena gainontzeko Euskal Herriko enpresa eta erakundeak tartean sartzea zen, arazo ekonomiko horiek gainditzeko, eta, Manuel Serdanen ekimenez, "Eibarko Bizikleta" 1969an "Euskal Herriko Itzulia-Eibarko Bizikleta" deitzera pasa zen. Donostiako La Voz de España egunkariak ekimena babestu zuen eta babesle nagusi bilakatu zen. Elkarte honek lau urte iraun zuen, 1973 arte. Bi proben palmaresa ez konprometitzeko, urte hauek Euskal Herriko Itzuliari dagozkion urtetzat hartzen dira.

1969

Behin betiko, aurreko ediziotik hogeita hamalau urte pasa ondoren, Euskal Herriko Itzulia birsortu zen, Eibarko Bizikletarekin elkartuta lehen aipaturiko arrazoiak medio. Parte hartu zuten taldeak lau baino ez ziren izan, espainiar taldeetako bat zen Karpyrekin akordio ekonomiko batera ez baitzen iritsi, eta, gainera, herbeheretar taldea zen Willem II azken orduko baja izan zen. Hala, beraz, KAS eta Fagor talde euskaldunek eta Bic eta Mercier talde frantsesak izan ziren proban parte hartu zutenak.

Etapak

Etapa	Data	Ibilbidea	Kilometroak	Etapa garailea	Sailkapen nagusiko liderra
1. etapa	1969ko apirilak 16	Eibar - Gasteiz	185	Michael Wright	Michael Wright
2. etapa	1969ko apirilak 17	Gasteiz - Iruñea	203	Joaquim Galera	Joaquim Galera
3. etapa	1969ko apirilak 18	Iruñea - Donostia	171	Luis Ocaña	Joaquim Galera
4. etapa (1. Sek.)	1969ko apirilak 19	Donostia - Gernika	118	Raymond Riotte	Joaquim Galera
4. etapa (2. Sek.)	1969ko apirilak 19	Gernika - Bilbao	43	Raymond Poulidor	Jacques Anquetil
5. etapa	1969ko apirilak 20	Bilbo - Eibar	171	Txomin Perurena	Jacques Anquetil

Sailkapenak

Sailkapen nagusia
1. Jacques Anquetil BIC 25h 22' 05s 2. Francisco Gabika FAG 32 segundora 3. Mariano Díaz FAG 40 segundora 4. Gregorio San Miguel KAS 1' 06 segundora 5. Eduardo Castelló KAS 2' 57 segundora 6. Luis Ocaña FAG 3' 59 segundora 7. Raymond Poulidor MER 4' 08 segundora 8. Joaquim Galera FAG 4' 19 segundora 9. Txomin Perurena FAG 6' 59 segundora 10. Eusebio Vélez FAG 8' 32 segundora

Puntukako sailkapena
1. Txomin Perurena FAG 23 puntu 2. Michael Wright BIC 43 puntu 3. Gregorio San Miguel KAS 49 puntu

Mendiko sailkapena
1. Raymond Poulidor MER 27 puntu 2. Luis Ocaña FAG 24 puntu 3. Carlos Etxeberria KAS 21 puntu

Tarteko helmugetakoa
1. Mariano Díaz FAG 6 puntu 2. Michael Wright BIC 6 puntu 3. José Antonio Momeñe FAG 5 puntu

Taldekako sailkapena
1. Fagor 76h 02' 20s 2. Kas 18' 50 segundora 3. Bic 24' 30 segundora 4. Mercier 41' 32 segundora

Aurrekoa 1935eko Euskal Herriko Itzulia

Euskal Herriko Itzulia 1969ko apirilak 16 eta 20 artean ospatua

Ondorengoa 1970eko Euskal Herriko Itzulia

Kanpo estekak

• 1969ko Euskal Herriko Itzuliko sailkapenak

• Datuak: Q9094966