Zalgurdi
Zalgurdia pertsonak garraiatzeko ibilgailu gurpilduna da, zaldi batek edo gehiagok tiratua, kotxea hitzez ere ezaguna[1]. Zalgurdiak estalitako ibilgailuak izaten ohi dira.
Hala ere euskaraz zalgurdi terminoak esanahi zabalagoa dauka, eta zaldiek tiratako ibilgailu mota asko hartzen du bere baitan.
Etimologia aldatu
Hizkuntz askotan zalgurdiaren adiera "itxita dagoen eta zaldiek tiratako ibilgailua" da, handik "zaldi-kotxe"aren adiera. Euskaraz ordea zalgurdi terminoak esanahi zabalagoa dauka eta zaldiek eramandako gurdi ezberdinak hartzen ditu. Esate baterako pertsonez gain gauzak eta merkantziak garraiatzeko zalgurdiak.
Ezaugarriak aldatu
Zalgurdia kutxa handi batez osatua dago, erdizirkularra edo beste forma batekoa. Uhalen bidez zintzilikaturik dago, edo bestela malgukien gainean jarrita dago. Albotan, oro har, bi atetila dauzka, eta kristaldun lehiatilak. Kutxaren barruan aulkiak daude bidaiarientzat. Lau gurpidunak dira generalki, baina badaude bi gurpildun zalgurdiak ere.
