Winona Ryder
Winona Laura Horowitz, ezagunagoa Winona Ryder ezizenaz, (Olmsted konderria, Minnesota 1971ko urriaren 29a) aktore estatubatuarra da. Bere debuta Lucas filmean izan zen, 1986an, baina bere lehenengo paper garrantzitsua Lydiarena izan zen, Beetlejuice (1988) filmeko nerabe gotiko bat. Oscar sarira nominatuta egon da eta Urrezko Globo bat irabazia du.
| Winona Ryder | |
|---|---|
 | |
| Bizitza | |
| Jaiotzako izen-deiturak | Winona Laura Horowitz |
| Jaiotza | Winona (Minnesota), 1971ko urriaren 29a (52 urte) |
| Herrialdea |  Ameriketako Estatu Batuak |
| Bizilekua | Los Angeles |
| Lehen hizkuntza | estatubatuar ingelesa ingelesa |
| Hezkuntza | |
| Heziketa | American Conservatory Theater (en)  Petaluma High School (en) 1989) |
| Hizkuntzak | ingelesa estatubatuar ingelesa |
| Jarduerak | |
| Jarduerak | aktorea, zinema aktorea, zinema ekoizlea, ahots-aktorea, karaktere aktorea, telebista-aktorea eta ekoizlea |
| Altuera | 1,61 metro |
| Lantokia(k) | Los Angeles |
| Jasotako sariak | |
| Izengoitia(k) | Winona Ryder |
| Sinesmenak eta ideologia | |
| Erlijioa | judaismoa kristautasuna |
              | |
2000 urtean Hollywood, Kaliforniako Ospearen pasealekuan izar bat jarri zuten bere izenarekin.
Bizitza pribatua aldatu
Winona Laura Horowitz jaio zen Winona izeneko herrian, Minnesotan. Aita judua du eta Winonak ere bere burua judutzat identifikatu izan du[1].
10 urterekin familia Kaliforniara aldatu zen, eta eskola jazarpena jasan zuen hango eskoletan, baita institutuan nerabetan jada bere lehen arrakasta, Beetlejuice, kaleratu ondoren ere[2].
Harremanak aldatu
Rob Lowe aktorearekin maitasun erlazio bat izan zuen bere karreraren hasieran, 1987an. Beranduago Christian Slater aktorearekin egon zen urte batetan zehar (1988-1989).
Bere harreman ospetsuena Johnny Deppekin izandakoa da, 3 urte iraun zituena (1990-1993). Erlazioan zehar, Johnny Deppek "Winona Forever" (Winona betiko) zioen tatuaje bat egin zuen besoan; banandu ondoren aldaketa bat egin zion "Wino Forever" (betiko mozkorra) esan zezan.
1994an Dave Pirner musikariarekin, Soul Asylum taldeko kidearekin, irteten hasi zen 1996ra arte. Matt Damon izan zuen bikote gisa 1998tik 2000. urtera arte, Gwyneth Paltrow aktoreak aurkeztu ondoren.
2000 hasieran Julien Rivas, Pete Yorn eta Beck abeslariekin irteten aritu zen. 2003an Jay Kay izan zuen bikote gisa, Jamiroquai-ko liderra. 2003-2004 bitartean Page Hamilton, Helmet metal taldeko abeslari eta gitarjolearekin egon zen.
2006an Henry Alex-Rubin zinema zuzendariarekin maitasun istorio labur bat izan ondoren, 2007an Blake Sennet-ekin, Rilo Kiley taldeko gitarjolearekin egon zen urtebete.
2011tik Scott Mackinlay Hahn moda diseinatzailea izan da bere bikotea, Rogan, Egan eta Loomstate marken kofundatzailea dena.
Atxiloketa aldatu
2001eko abenduaren 12an lapurretagatik atxilotua izan zen, Beverly Hills hirian, Kalifornian. 5500 dolar balio zuten diseinatzaile arropak eta osagarriak Saks Fifth Avenueko almazen batetik lapurtzea leporatu zioten. Azkenik, lapurtutakoa ordaintzea onartu zuen. Pasarte honetan zehar, legez kanpoko drogak kontsumitu zituela ere esaten da. Urte bat beranduago, 2002an, hiru urteko askatasun baldintzatua ezarri zitzaion, 480 ordu komunitate-lanean, 3700 dolarreko isuna, 6355 dolar lapurtutakoa itzultzeko eta tratamendu psikologikoa jasotzeko eskaera. 2004ko ekainaren 18an karguak deuseztatu zitzaizkion.
Lapurreta eta sei urte beranduago, lapurtzeagatik ez zela errudun sentitzen esan zuen, ez zuelako inor zauritu.
Filmagintza aldatu
Telesailak aldatu
| Urtea | Telesaila | Pertsonaia | Oharrak |
|---|---|---|---|
| 2016 - 2021 | Stranger Things | Joyce Byers | Urrezko Globoetarako izendatua (Telesaileko emakumezko aktore onena - Drama) |
Oscar Sariak aldatu
| Urtea | Kategoria | Filma | Emaitza |
|---|---|---|---|
| 1994 | Emakumezko aktore onenaren Oscar saria | Little Women | Izendatua |
| 1993 | Emakumezko bigarren aktore onenaren Oscar Saria | The Age of Innocence | Izendatua |
Urrezko Globoak aldatu
| Urtea | Kategoria | Filma | Emaitza |
|---|---|---|---|
| 2016 | Telesaileko emakumezko aktore onenaren Urrezko Globo Saria - Drama | Stranger Things | Izendatua |
| 1993 | Emakumezko bigarren aktore onenaren Urrezko Globoa | The Age of Innocence | Irabazlea |
| 1990 | Emakumezko bigarren aktore onenaren Urrezko Globoa | Mermaids | Izendatua |
Erreferentziak aldatu
- ↑ (Ingelesez) Winona Ryder claims Mel Gibson called her an 'oven-dodger'. 2010-12-17 ISSN 0307-1235. (Noiz kontsultatua: 2020-05-28).
- ↑ (Ingelesez) «Bullies Called Winona Ryder a Witch After 'Beetlejuice'» Time (Noiz kontsultatua: 2020-05-28).
- ↑ «Winona Ryder biography» web.archive.org 2007-10-12 (Noiz kontsultatua: 2021-02-22).
- ↑ «Winona Ryder Biography, Bio, Profile, pictures, photos from Netglimse.com» web.archive.org 2007-11-20 (Noiz kontsultatua: 2021-02-22).
- ↑ (Ingelesez) Staff, Hollywood com. (2001-03-19). «Winona Ryder Gets Her Own Star» Hollywood.com (Noiz kontsultatua: 2021-02-22).
- ↑ (Ingelesez) Beetlejuice (1988). (Noiz kontsultatua: 2021-02-22).
- ↑ «JVibe -->pop culture» web.archive.org 2006-11-01 (Noiz kontsultatua: 2021-02-22).
- ↑ «HFPA - Awards Search» web.archive.org 2008-02-19 (Noiz kontsultatua: 2021-02-22).
- ↑ (Ingelesez) Winona Ryder's eclectic career. 2002-11-06 (Noiz kontsultatua: 2021-02-22).
- ↑ «Results Page - Academy Awards® Database - AMPAS» archive.is 2013-01-13 (Noiz kontsultatua: 2021-02-22).
- ↑ (Gaztelaniaz) 20minutos. (2007-07-18). «Winona Ryder asegura que tras su famoso robo no se sintió culpable» www.20minutos.es - Últimas Noticias (Noiz kontsultatua: 2021-02-22).
- ↑ «The bumpy ride is over for Ryder - USATODAY.com» usatoday30.usatoday.com (Noiz kontsultatua: 2021-02-22).
- ↑ «Winona Ryder» IMDb (Noiz kontsultatua: 2021-02-22).
Kanpo estekak aldatu
Datuak: Q101797
Multimedia: Winona Ryder / Q101797
