Wikiproiektu:EHU-Wikipedia 2016/Probalekua/Proba orriaK27
G Immunoglobulina (Ig G) organismoaren barne isurkarietan (odola, likido zefalorrakideoa, linfa...) dagoen immunoglobulina da.
Immunoglobulina ugariena da, gorputzeko bost immunoglobulinen artean bera baita nagusia (Ig guztien %80).
Era berean, immunoglobulina txikiena da, bere pisu molekularra 150.000 Dalton izanik. Honek azaltzen du zirkulazio aparatutik ehunetara erraz pasatzeko duen gaitasuna, baita Karen edo plazenta-hesia zeharkatzekoa ere (karena zeharka dezakeen immunoglobulina bakarra da; horrek babesa eta immunitate ematen dio umekiari).[1]
Ig G molekula monomeroa da, eta lau polipeptido katez osatuta dago. Kateen artean eta kateen barruan disulfuro zubiak (S-S) baditu. [2]
Odol-plasman 13,5 mg/mL kontzentrazioan dago, eta bere erdibizitza 25 egunetakoa da.
Immunoglobulina honek konplementu sistema aktibatzen du, azken honek mikrobio patogenoak suntsi ditzan. Horretaz gain, opsonina jarduten du, eta opsonizazioa eragiten du (hots, fagozitoak aktibatzen ditu). Bi ezaugarri horiei esker G immunoglobulina antigorputz oso eraginkorra da bakterio, birus eta beste mikrobio patogenoen aurkako borrokan.
Beste immunoglobulinen aldean, Ig Gk toxinak indargabetzeko ahalmena ere badu.
Mota honetako immunoglobulinek gaitz autoimmuneetan zerikusia handia dute, oso lotuta baitaude III motako hipersentiberatasunekin: gorputzeko autoantigorputzek G immunoglobulinarekin konplexuak eratzen dituzte, ehunak eta organoak kaltetzen dituztenak (artritis erreumatoidea sortuz, adibidez). [3]
G immunoglobulinaren 4 azpiklase daude (Ig G1, Ig G2, Ig G3, Ig G4), ezaugarri ezberdinak dituztenak, ondoko taulan ikus daitekeen moduan:
| Azpiklasea | % | Karena zeharkatu | Konplementua aktibatu | Fagozitoei lotu |
|---|---|---|---|---|
| Ig G1 | 66 | ++ | ++ | ++ |
| Ig G2 | 23 | + | + | - |
| Ig G3 | 7 | ++ | +++ | - |
| Ig G4 | 4 | ++ | - | + |
Erreferentziak aldatu
- ↑ Ingraham, J., Ingraham C.: Introduccion a la Microbiología, vol. 2, Ed. Reverté (1998), 412 orr. IBSN: 84-291-1871-3
- ↑ Madigan M.T., Martinko J.M., Parker J. Brock Mikroorganismoen biologia (2007) E.H.U.-ak euskaratua, 812-813 orr. IBSN: 978-84-9860-026-1
- ↑ Madigan M.T., Martinko J.M., Parker J. Brock Mikroorganismoen biologia (2007) E.H.U.-ak euskaratua, 844-846 orr. IBSN: 978-84-9860-026-1