Wembley Stadium

Wembley Stadium berria (euskaraz: «Wembley estadioa») izen berdineko antzinako Wembley Stadium estadioa kokatzen zen Londres hiriko leku berdinean dago, ipar-mendebaldeko Brent udalerrian. Antzinako Wembley estadioa Ingalaterra osoko estadiorik ospetsuena zen eta mundu mailan ere ezagunenen artean zegoen. Wembley berria Ingalaterrako futbol selekzio nazionalaren futbol zelaia da.

Wembley Stadium
Irudi gehiago
Kokapena
Estatu burujabe	Erresuma Batua
Herrialdea	Ingalaterra
Ingalaterrako eskualdea	Londresko eskualdea
Ingalaterrako konderri zeremoniala	Londres Handia
Londresen banaketa administratiboa	Brent
Koordenatuak	51°33′20″N 0°16′46″W
Historia eta erabilera
UEFA Euro 2020 Final
Inaugurazioa	2007ko martxoaren 9a
Jabea	Wembley National Stadium Ltd (en)
Kudeatzailea	Foster and Partners
Erabilera	futbol estadioa
Kirola	futbola
Erabiltzailea	Ingalaterrako futbol selekzio nazionala 2007 Tottenham Hotspur Football Club 2016 - 2017
Edukiera	90.000
Arkitektura
Arkitektoa	Foster and Partners (en) Populous (en)
Eraikitzailea	Multiplex (en)
Egitura ingeniaritza	Mott MacDonald (en) Sinclair Knight Merz (en) Aurecon (en) Cleveland Bridge & Engineering Company (en)
Kontaktua
Helbidea	Wembley Park, London, UK, HA9 0WS
Webgune ofiziala

Historia

2002an Wembley zaharra eraitsi ostean 2007an eraikitzen amaitu zen 90.000 ikusleentzako gaitasuna zuen super estadio berria ireki zen. Proiektuaren kostua 757 milioi libera esterlina ingurukoa izan zen (1.097 milioi euro). Estadio hau diseinatu zuen arkitekto etxea Foster and Partners izan zen.

Estadioa Londresko metroaz White Horse Bridge bidez Wembley Park eta Wembley Central kokalekuekin loturik dago.

Wembley estadio berriaren eraikuntza 2012ko Londoneko Olinpiar Jokoen proiektuaren barnean zegoen, estadio honetan gizonezko nahiz emakumezko futbol lehiaketen partiduak eta finalak jokatuko ziren.

Musika

Wembley berriak hainbat kontzertu jendetsu ospatu ditu, zaharraren gisan, non Queen, Guns N’ Roses, Michael Jackson, Céline Dion, Genesis, IINXS, Simple Minds, Bon Jovi, U2, Oasis, Spice Girls… bezalako artistek parte hartu duten.

George Michael britainiarra izan zen bertan aritu zena, BBC telebista kateak zuzenean erretransmitu zuen kontzertuan. Euren hasierako gonbidatuak kontuan hartu gabe, Muse izan zen Wembley berrian jo zuen lehen taldea, DVDan argitaratutako kontzertuetan. Hauen ondoren Guns N’ Roses, Red Hot Chili Peppers, Blink-182, Thirty Seconds to Mars, Paramore, Foo Fighters, Metallica, Green Day, My Chemical Romance, Madonna… eman dituzte emankizunak bertan.

Bi karitatezko kontzertu entzutetsu ospatu dira bertan: “Dianarentzat kontzertua”, Diana printzesaren heriotza baino 10 urte geroago hura oroitzeko eta “Live Earth”, “Live Earth Foundation”-en eskutik aldaketa klimatikoaren aurka.

2009ko abuztuan, U2 talde irlandarrak euren “U2 360° Tour” izeneko viran 165 000 pertsona inguruko aforoa lortu zuten Londresen eskainitako bi kontzertuetan.

2011n, Take That taldeak Wembley bete zuen zortzi gauetan zehar “Progress Tour”-eko emankizunekin. Bruce Springsteenek ere 2012an kontzertu bat eskaini zuen bertan.

2013ko ekainaren 22an, The Killers taldeak euren kontzertu jendetsuena antolatu zuen, non abesti berezi bat kantatu zuten. 2014an One Directionek hiru kontzertutan agortu zituen sarrerak. Ed Sheeranek berriz, 2015eko uztailean jo zuen bertan, ondoren kontzertuaren film bat egin zuelarik. Rihannak 2016an antzeztu zuen bertan ANTI World Tourrean eta aste batzuk beranduago Beyoncek, estadioa bi gauetan bete zuelarik.

2017ko ekainean, Adelek bere mundu-bira amaitu zuen lau egunetarako sarrerak agortu zirelarik, nahiz eta azkeneko biak kantzelatu egin ziren ahots-kordetako arazoak medio. 2018an Taylor Swift abeslariak 140 000 pertsona baino gehiagoren aurrean abestu zuen. 2019an, berriz, BTS talde korearrak ere historia egin zuen 90 minutuan bi egunetarako sarrera guztiak agortu zirelarik eta kontzertua zuzenean emititu zelarik.

Wembley estadioaren barnealdeko ikuspegi panoramikoa.

Iruditegia

• 
  Barnealdea
• 
  Barnealdea
• 
  Kanpoaldea
• 
  Barnealdea
• 
• 
• 
• 
• 
• 
• 
• 
• 
• 
• 
• 

Ikus gainera

• Antzinako Wembley Stadium

Kanpo estekak

• Wembley estadioaren webgune ofiziala (Ingelesez)

• Datuak: Q128468
• Multimedia: Wembley Stadium / Q128468