Valdenocedako dorrea
Valdenocedako dorrea edo Fernández Velascotarren dorrea Burgos probintziako Merindad de Valdivielsoko Valdenoceda herrian dagoen defentsa eta Trueba ibaia zaintzeko egin zen dorrea da. XIII. mendean eraikia, kultura ondasuna bezala babestuta dago. Historikoki Pedro Fernández de Velascok, Haroko I. kondeak, (1399-1470) berregin zuen.
Valdenocedako dorrea | |
---|---|
Kokapena | |
Estatu burujabe | Espainia |
Autonomia | Gaztela eta Leon |
Probintzia | Burgosko probintzia |
Udalerria | Merindad de Valdivielso |
Koordenatuak | 42°50′56″N 3°36′10″W / 42.848969°N 3.602822°W |
Ondarea | |
Historia aldatu
Jatorrizko eraikina Salinasko jaunarena zen eta, antza, XIII. mende-XIV. mendean eraiki zen. XV. mendean Velascotarren familiara pasa zen eta hauek berregin zuten. XVI. mendean hustuta gelditu zen. Erorkinaren egoeratik XIX. mendean atera zuten. 1962an Enrique de Villamorrek, Salinasko dukeak, erosi zuen gaur egungo itxura eman zion. Bere jatorrizko itxura gorde nahian XIII. mendeko leiho gotikoak Ciudad de Medinako San Frantziskoren komentutik eraman ziren. Halaber, berrikuntzan elementu gotikoak errespetatu zituzten: saieterak, apaingarriak, Velasco familiaren armarriak... Gaur egun Villamor Salinas Etxea da eraikinaren jabea.
Ezaugarriak aldatu
Laukizuzen oinplanta du, hogei metroko garaiera eta horma sendoak, almenekin burututa. Barrutik hustuta eta sasiez gainezka dago.
Babespena aldatu
Frankismoaren garaian lehenengo babesa jaso zuen, 1949ko apirilaren 22an. Dekretua maiatzaren 5ean Boletín Oficial del Estado aldizkarian plazaratu zen. 1985ean Espainiako Kultura ondasunaren izendapena jaso zuen. 2013an babesaren perimetroak ezarri zizioten.[1][2]
Gaur egun Ondarearen Zerrenda Gorrian dago batez ere nahiko utzita dagoelako.[3]
Erreferentziak aldatu
Kanpo estekak aldatu
- (Gaztelaniaz):Eraikinaren fitxa Ondarearen Zerrenda Gorrian.
- (Gaztelaniaz):Dorreraren egoera salatzeko artikulua, 2018/06/24.
Wikimedia Commonsen badira fitxategi gehiago, gai hau dutenak: Valdenocedako dorrea |