Víctor García de la Concha

Víctor García de la Concha (Villaviciosa, Asturias, 1934ko urtarrilaren 2a) espainiar filologoa da.

Víctor García de la Concha
Irudi gehiago
Cervantes Institutuko zuzendaria 2012 - 2017 ← Carmen Caffarel Serra (en) - Juan Manuel Bonet →
Bizitza
Jaiotza	Villaviciosa, 1934ko urtarrilaren 2a (90 urte)
Herrialdea	Espainia
Hezkuntza
Heziketa	Oviedoko Unibertsitatea Gregoriotar Pontifize-Unibertsitatea
Hezkuntza-maila	doktorea
Doktorego ikaslea(k)	Javier Blasco Pascual (en) Dolores Romero Lopez
Hizkuntzak	gaztelania
Jarduerak
Jarduerak	unibertsitateko irakaslea, hizkuntzalaria, filologoa, idazlea, apaiz katolikoa, politikaria eta akademikoa
Enplegatzailea(k)	Valladolideko Unibertsitatea Murtziako Unibertsitatea Salamancako Unibertsitatea Zaragozako Unibertsitatea
Jasotako sariak	ikusi Urrezko Ardi-larruaren Ordenako zalduna [[]]  (2003) Menéndez Pelayo International Prize  (2011) Honorary doctorate from Brown University  (1997) ohorezko doktore : Ricardo Palma University (en)  (2000) ohorezko doktore : Francisco Morazán National Pedagogical University (en)  (2000) honorary doctor of the University of Havana  (2001) ohorezko doktore : Nikaraguako Unibertsitate Nazional Autonomoa  (2009) ohorezko doktore : Guadalajarako Unibertsitatea  (2010) honorary doctorate of the University of Alcala  (2004) ohorezko doktore : Universidad Nebrija (en)  (2009) honorary doctor of the University of León  (2014) honorary doctorate of the University of Salamanca  (2016) Alfontso X.a Jakitunaren Ordenako Gurutze Handia  (2017) Grand Cross of the Order of the Aztec Eagle  (2015) honorary doctorate of the University of Valladolid  (2001) collar of the Order of the Golden Fleece  (2010) Honorary Doctorate from the National Autonomous University of Mexico  (2017)
Kidetza	Real Academia Española Academia Argentina de Letras (en)
Sinesmenak eta ideologia
Erlijioa	Erromatar Eliza Katolikoa

Biografia

Oviedoko Unibertsitatean egin zituen Filologiako ikasketak, eta Teologiakoak Erroman. 1976an, Zaragozako Unibertsitateko katedra eskuratu zuen eta 1979an, Salamancako Unibertsitatekoa; Valladolid eta Murtziako unibertsitateetako irakasle izan da. Literaturari buruzko ikerketak egin ditu, Erdi Aroko literaturari buruzkoak batez ere, baina Errenazimentuko literaturan eta gaur egungo literaturan, batez ere XX. mendeko olerkigintzan, espezializatu da denborarekin. Erlijioaren eta literaturaren arteko harremana, Gaztelako Erdi Aroko antzerkigintza eta lirika sakratua izan ditu aztergai, besteak beste, eta ikerketa sakonak egin ditu espainiar literatura espiritualari buruz (mistikari buruz batez ere), ondorengo lanetan ikus daitekeen bezala, El arte literario de Santa Teresa (1978, Santa Teresaren arte literarioa); eta El arte literario de San Juan de la Cruz (1991, San Juan de la Cruzen arte literarioa); pikareskari buruzkoak ere egin ditu, Nueva lectura del Lazarillo de Tormes (1981, Tormesko itsumutilaren irakurketa berria). Obra aipagarriak ditu, orobat, Poesía española contemporánea (Gaur egungo espainiar olerkigintza) eta Poesía española de 1935-1975 (1935-1975 bitarteko olerkigintza espainiarra) saila. Argitalpen kritikoen artean azpimarratzekoak dira Cristo de Velázquez de Unamuno (1987, Unamunoren Velázquezen kristoa), Eternidades de Juan Ramón Jiménez (1981, Juan Ramón Jiménezen betikotasunak) eta Juan Manuel Bueno, mártir (1989, Juan Manuel Bueno, martiria) esaterako, eta bereziki, 1982. urtean argitara emandako Libro de romances y coplas del Carmelo de Valladolid (Valladolideko Karmeloko erromantze eta koplen liburua), lekaime batek bere komentuan abesten ziren kantuez osaturiko bilduma, García de la Conchak berak dioenez jainkotasunera eramandako maitasun-kantuez osatua. Zenbait aldizkaritan eta argitaletxetan lan egin du, eta ikus-entzunezkoetarako gidoiak idatzi ditu; besteak beste, telebistarako, Santa Teresa de Jesús saileko gidoiak, Carmen Martín Gaiterekin batera.

Víctor García de la Concha (eskuinean), Torrente Ballesterren omenez egindako eskultura bat aurkezten, Salamancan, 2000 urtean

Real Academia Españolako zuzendari izan da 1998-2010 urte-bitartean. Hainbat sari jaso ditu; 2000 urtean, Tegucigalpako Francisco Morazán Unibertsitateak emandako honoris causa doktoregoa jaso zuen; 2009an, Lázaro Carreter saria jaso zuen, eta 2010ean, Joan Karlos I.a erregeak Urrezko Toison Ordenako zaldun izendatu zuen. 2011n, Menendez Pelayo nazioarteko saria jaso zuen.

Erreferentziak

• Datuak: Q984423
• Multimedia: Víctor García de la Concha / Q984423